KAWAWA naman si Joross Gamboa. Hindi pa natatapos ang problema sa ‘handler’ niya, ninakawan naman siya umano ng laptop ng isang masahista. Isang nagngangalang Lilian from Laguna ang suspect. Naka-blotter na ngayon sa Las Piñas Police Station.
Nakilala ang masahista sa mismong village nila. Binigyan ng sobrang tiwala ng pamilya Gamboa dahil dalawang taon na rin labas-pasok ito sa pamamahay nila. Ginabi ang masahista kaya pinatulog na lang nila ito sa house nila. Pero ayon sa guard ng subdivision, nagmamadali itong umuwi nang madaling araw at may malaking bag na dala-dalang bag.
