BOTOLAN, Zambales – Nasagip ang siyam na tripulanteng lulan ng Tugboat SL SUAl 1 na sumadsad sa baybaying dagat ng Barangay Bangan sa bayang ito umaga ng Agosto 14. Ang rescue operations ay matagumpay na isinagawa ng Botolan Response Team sa pangunguna ni municipal disaster risk reduction ang management office chief Andy Divino, kasama ang Philippine Coast Guard-Botolan at Porac fisherfolks.
Batay sa imbestigasyon, nabutasan ang naturang tugboat kaya isinadsad na lamang ito sa mababaw na bahagi ng baybay. Ligtas at nasa maayos na lagay ang mga tripulante. Punto News Team/LGU Botolan
