1.
Halalan na namang muli para sa pagka-director
ng PELCO 3 para dito sa may bayan ng San Simon
sa darating na Sabado itinakda ang eleksiyon
March 28 alas otso hanggang alas tres ng hapon
at ito ay gaganapin sa San Simon Central School
tapat ng seven eleven sakop mismo ng Poblacion
2.
Ang dalawang maglalaban para sa nasabing pwesto
si mister Emilio Cortez at si direc “vroom vroom” Bravo
ang kanilang kapalaran ay depende sa boboto
dahil sila ang pipili ng kanilang iboboto
kung sino man sa dalawa ang papalaring manalo
sana naman ibigay ang nararapat na serbisyo
3.
Wag na sanang maulit ang nangyari sa nakalipas
na kung saan ang ilan sa mga miembro’y napahamak
nang sila ay magoyo ng trabahador ng Metrolight
sub-contractor ng PELCO 3 na tila magkakasabwat
nag-alok sa mga tao ng kuryenteng de-kalidad
na kung saan diumano ay mayrong 10 percent discount
4.
Natural ang mga miyembro ay makumkumbinsi nila
sa alok ng mga itong sadyang nakakahalina
nagbayad ang mga tao na kanilang nabiktima
diumano dahil na rin sa makakatipid sila
di naglaoon, ay sila rin ang magpapahuli pala
na kung pakaiisipin ay HULIDAP nga talaga
5.
Ang lahat ng nahulidap sa ngayon ay nagbabayad
ng backbilling na sa tao na hinuli ay pabigat
kung di sila tatalima kakasuhan nilang lahat
ang kanilang biktima ng kasong anti-filperage act
at ang nakapanlulumo wala man lamang naglunsad
masusing imbestigasyon upang ito ay masiyasat
6.
malay ba ng mga taong gagalawin ang kontador
nitong mga kontratista na may kagagawan noon
ang mga taong biktima sa may bayan ng San Simon
ang inaasahang tutulong ay di man lamang umaksiyon
sana man lang nagsagawa sila ng imbestigasyon
o kaya ay nangalap ng importanteng impormayon
7.
Sa lahat ng consumer sa beinte otso ng Marso
piliin ng mahusay kung sino ang dapat iboto
hindi yung puro salita na hindi naman totoo
na sila ay maglilingkod ng tapat sa mga miyembro
ang dapat na tangkilin maging director ng PELCO
ay yung may paninindigan at matatag na prinsipyo
