SAMAL, Bataan: Tubig, tubig pa! Waring kinakapos at sabik sa tubig ang maraming lumahok sa yugyugan at basaan sa Araw ni San Juan sa bayang ito ngayong Martes.
Kung saan saan nanggagaling ang tubig- may sa maliit na hose, malalaking hose na ibinubuga sa bawat tuwang tuwang nagdaraan na waring hinihintay ang pagbagsak ng tubig.
Hindi lamang basaan ang nangyari kundi ang matinding yugyugan sa napakaraming truck na umaatungal ang loud speaker.
