ang ibato laban kay Mayor Duterte
ng opponents n’yan sa pagka-Presidente,
ay siya pa ring sa survey, No. 1 bale.
At kung saan imbes bumaba ang ‘rating’
ni Digong sanhi ng mga samut-saring
paninira, pero siya’y nananatiling
matatag at saka nangunguna pa rin.
Iyan ay senyales na ang butihing Mayor
ng Davao city ang siyang napipintong
mananalo sa darating na eleksyon;
At makakapalit ni Pangulong PNoy.
Posible rin namang si Grace Poe ang siyang
mangibabaw kapag hindi tinantanan
ni Mayor Duterte ang mga salitang
kasabiha’y biru-biro lang kung sanlan
Pero maaaring ang dating ay iba
sa di lang kakaunting tagatangkilik niya;
at kung saan sanhi n’yan baka di na siya
dadalhin o kaya ipangangampanya.
Si Binay, nang dahil sa di niya pagdalo
sa ‘hearing’ na dapat ay harapin nito
diyan sa ‘Senate’ ay malayong manalo
pagkat ang dami niyang nakabimbing kaso.
Si Roxas, nang dahil sa ‘Tuwid na Daan’
ni PNoy na lubos niyang inasahang
magdadala sa kanya sa Malakanyang,
baka ni ang ‘3rd place’ ay di makuha niyan.
Dala na rin nitong ang sinakyang bangka
ni Mr. Palengke, na inaakala
niyang sakdal tatag ay magiwang na nga
sanhi ng ang dating Bankero’y pabaya.
Hinayaan niya na palutang-lutang
ang bangka sa gitna ng dagat-dagatang
nundo ng nakawan at katiwalian,
bunsod ng sarili niyang kahinaan.
Sa puntong yan kung di na magbabago pa
ang ‘ratings’ at/o ang pinal na resulta
ng mga ‘surveys’ na lumalabas tuwina
ay posibleng si Duterte na talaga
Ang susunod nating magiging pangulo
na lubhang kakaiba ang kanyang estilo,
kaysa ibang tradisyonal na pulitiko
na tuwing halalan lang ‘visible’ sa tao.
At kapag pinalad mahalal ay di na
makapa saan man para lapitan siya,
Dala nitong sila’y ilag magpakita
sa nanghihingi ng tulong sa kanila.
Na sila rin naman ang bale kapural
ng ganyang estilong sila kadalasan
itong sa ‘botante’ kusang namimigay
ng pera para lang sila maihalal.
Pero sa eleksyong yan sa Mayo nuebe
na ang maglalaban ay sina Duterte,
Grace Poe, Binay, Miriam at Mr. Palengke,
malamang ngayon pa lamang mangyayari
Sa kasaysayan ng bansang Pilipinas,
na ang uupo sa pinakamataas
na puwesto ang tanging pinakamahirap,
kapag si Duterte ang naging mapalad!
