ng sinag ng Araw, Dagat at saka Buwan,
Sa dilang mapalad ay kabaligtaran
ang kalagayan ng aming kabarangay
Sa mga opisyal na dapat tumingin
at mangalaga sa kabarangay namin
na marapat bigyan ng matamang pansin
kapagka sila ay mayrung suliranin
O anumang bagay na marapat nilang
idulog kay Kap sa oras na kailangan,
Sapagkat bago mo makapa sa bahay
baka mag-antay ka ng matagal-tagal
Sa dahilang kundi nasa sugalan siya
(na karaniwan niyang libangan sa t’wina)
Malamang kahit na lubhang mahalaga
ang ating sadya ay ipagpabukas na.
Kasi di magawang tumayo sa Kuaho
ni Kap lalo na kung siya’y natatalo,
At kahit naroon ka sa harap nito
ay ni hindi ka n’yan papansining piho.
At maging ang kanyang pinaka-Kalihim
ay di mo rin basta makuhang tawagin
para mamagitan kung saka-sakaling
ang ilalapit ay tawag ng tungkulin.
Gaya halimbawa kung ika’y kukuha
ng barangay clearance sa mismong bahay niya,
Madalas lalo’t kung may ginagawa siya,
mahahalata ang pagiging suplada.
(Gayong umano ay dalawampung piso
ang isinisingil ng walang resibo,
Kaya natural lang sa bulsa niya mismo
napupunta lahat ang kolksyon nito!)
Kung ganyan ang klase ng mga opisyal
ang mapili nating sa puesto ilagay,
Sa palagay kaya nati’y may tsansa pang
umunlad ang alin pa mang pamayanan?
Idagdag pa natin ang mga Kagawad,
na ni hindi rin n’yan magawang maharap
daluhan ang ‘session’ sa loob ng apat
o anim na beses, magbitiw na dapat
Sa tungkulin upang ang pamahalaan
ay di palagi nang talo sa paraang
animo ay pandarambong na rin minsan,
sa dahilang sila ay sinusuwelduhan
Ng wala rin naman silang ginagawa
kundi ng ika nga’y basta tumunganga
at maghintay yan sa hulog na biyaya
ng nakatataas na mas pinagpala!
Sa totoo lang ay marapat din namang
maipabatid sa kinauukulan
ang isinulat na pagbubunyag bilang
ni ‘yours truly’ hinggil sa isyung naturan.
Na nararapat ding malaman siguro
ng mga Councilors at Vice Mayor mismo
ng alin mang bayan sa panahong ito
na ang ‘RATA ’ nila ay namimiligro
Na di makukuha n’yan o matatanggap
Kapag sa ‘session’ ay lumiban at sukat;
At kahit dumalo kung ‘absent’ ang apat
O higit pa’t walang ‘qurorum’ na naganap
Ang lahat pati na ang palaging ‘present’
sa ‘session’ ay damay sa parating ‘absent,’
‘As no one can receive even a single cent
for any scheduled session unattended!
