(Karugtong ng sinundang isyu)
At di para lamang sila manatiling
nakapuesto kahit ano ay gagawin,
tulad halimbawa nitong subject natin
na handang sumabak comes year 2016
Laban kay Angeles Mayor Ed Pamintuan
o Congressman Yeng Guiao, sa sulsol ng ilang
mga kaalyado ni Blueboy at Tarzan,
yan sa ganang akin ay di kapurihan
Kay Lapid dala ng para lamang yata
sa ‘limelight’ ng pulitika’y di mawala
ang pangalan niya dahil laos na nga
siya bilang ‘actor,’ kanyang itataya
Ang natitira pang kasikatan niya
sa mata ng madla kung kaya pati na
pagiging mayor o kaya kongresista
ng Angeles at 1st District ng Pampanga
Ay balak pasukin para pamunuhan,
kung kaya’t sa aking mga nakaraang
naisulat hinggil sa taong naturan
siya’y nasabi kong ‘roaming politician’
Dahilan na rin sa lahat na nga kasi
ng kilalang lugar ay target parati
ni Lapid para lang n’yan mapanatili
sa daigdig ng pulitika ang sarili.
Sa totoo lang kung ang sadyang naisin
ay makatulong sa kababayan na rin,
bakit di sariling bayan ang unahin
gaya nitong Porac kung saan siya galing?
Bago hangarin ang asensadong siyudad,
tulad ng Makati na sadyang maunlad,
kung saan tunay na ‘equipped’ yan sa lahat
ng bagay na kayang bilhin ng mapilak
Natural lamang na magiging mapili
sa paghalal iyan ng walang pasubali
ng ka-antas, at hindi pagbaka-sakali
ang batayan sa maingat na pagpili
Dala na rin nitong ang Makati city
ay lugar kung saan ang ‘constituents’ pati
ng nasabing lungsod mas nakararami
ang de kalidad kaysa ‘bakya crowd’ kasi.
Di ko sinasabing ang ating Senador
ay walang binatbat bilang isang Solon
kaya natalo siya sa ‘local election’
nang sa Makati ay humabol siyang Mayor
Kundi bagkus sa tunggalihang “one-on-one”
ay natural lang na mas nakalalamang
ang subok na sa pamahalaang lokal
Kaysa tulad niyang galing sa nasyonal.
Na lubhang kakaiba nga sa maramihan,
na di lamang sampu ang pagpipilian;
at kung saan itong inihalal ni Juan
ay puede rin namang iboto ni Julian
At mas malaki ang tsansa ng marami
o nitong pareho lang ang habol pati,
kaysa ‘single fight’ lang, sanhi na rin kasi
nitong magka-iba sila ng botante.
Kaya kung ang ating butihing Senador
ay magpupumilit sa kanyang ambisyong
palitan si EdPam bilang City Mayor
ng Angeles, huag nang balaking ituloy
Pagkat di pa man ay ating tinitiyak
na ang pagkatalo ng butihing anak
ng Porac laban sa Mayor na pang-‘World Class
na si Ed Pamintuan ng naturang siyudad!
