HINDI NA talagang maaring pigilan
Ang pagiging ‘multi-awarded’ ni EdPam
Bilang ‘working mayor’ na tunay din namang
Malinis at tapat sa panunungkulan
Kung saan kabilang sa mga natanggap
Na niyang parangal nitong nakalipas
Ay isa na r’yan ang prestihiyosong ‘World Class
City Mayor,’ na pangdaigdigang ‘award’
At ilan pang bigay na parangal pati
Nitong iba’t-iba pang ‘awarding body,’
Na kung saan hindi lang ang DILG
Itong sa kanya ay nagbigay papuri
Kundi pati na rin mga ‘Non-Government
Organization’ ay binigyan si Ka Ed
Ng mga ‘citation as multi-awarded’
Na naging Mayor ng Lungsod ng Angeles.
Na kagaya ng nabangit sa itaas,
Kung saan bagama’t pangwalo sa ‘world class
City mayor’ lang ang nakamit na ‘award’
Ng ating si EdPam dangal na ng lahat
Sapagkat ang ganyang kwenta kompetisyon
Ng pagalingan ng ‘World Class City Mayors’
Ay di lamang isang daan ang nagtipon
Upang ang marapat mabigyan ng honor
Ay mahugot mula sa malaking bilang
Ng mga kasali na pagpipilihan,
Kaya kung siya ay mahinang klase lang
Di makakasama ang ating si EdPam
Sa pangdaigdigang kompetisyong tulad
Nitong sa ibayong dagat ginaganap,
At kung saan mga bansang de kalidad
Ang nagsusugo ng kanilang ‘contestants.’
Para lumahok at magpakita mandin
Ng kanilang husay at taglay na galing;
Gaya nitong mga city mayors natin
Na di patatalo saan man yan dalhin.
At maging dito sa ‘ting sariling bansa
Ang ‘award’ kay EdPam ay kabi-kabila,
Kung saan ang isa sa napabalita
Ay itong kay Roxas na ‘late’ ng bahagya
Bago kina Mayor ay naiparating
Nitong DILG Secretary natin,
Ang kompirmasyon na siya’y kabilang din
Sa mabibigyan ng ‘Seal of Good Housekeeping’
Ng nasabing sangay ng pamahalaang
Interior at lokal na pangasiwaan,
Kung saan si Mr. Palengke ang siyang
Kalihim at tagapagpatupad bilang.
Huli ma’t magaling may maihabol din,
Yan ay kasabihang minana na natin;
Kaya malaki ang pasalamat pa rin
Ni Mayor EdPam sa butihing Kalihim.
Bunsod na rin nitong ang naturang ‘award’
Ay pangtatlo na sa binigay ni Roxas
Sa kinikilalang ‘hard working city Dad,
Sa loob lamang ng tatlong taong singkad.
Ang itong bansag na ‘Seal of Good Housekeeping’
Ay walang iniwan sa napakagaling
Maglaan ng mga marapat gastusin,
Sa ‘ting pamamahay ng magulang natin
Na ultimong sentimo ng kanilang kita
Ay naka-badyet kung saan mapupunta,
Kaya suma-total malinis ang kwenta
Ng anumang pinagkagastahan nila!
