Kung taga LTO itong nanghuhuli
Sa may pagitan ng private cemetery
Ng Sto. Domingo at Balangkas, pati
Itong aywan lang kung mga military
O pulis, pero ya’y naka-uniporme
(Ng camouflage at di ng LTFRB
Na lubhang pamilyar at kung anong klase)
Ang pumara sa’min at hiningan kami
Ng ‘permit to travel’ ay di ko malirip
Kung taga LTO nga o mga pulis,
Na ‘deputized’ ng ating Comelec opis
Para sa ‘gun ban’ na ngayon ay mahigpit
Ang pagpapatupad, kung kaya hinarang
Kami at sisiyatin hinggil sa naturan,
Yan sa ganang akin ay wala sa lugar
Kung ‘permit to travel’ ang pag-uusapan.
Pagkat di marahil hurisdiksyon nito
Ang kwestyonin kami hinggil sa rehistro,
Plaka ng sasakyan at kung anu-ano,
Dahilan na rin sa ito’y bagung-bago
Nakadikit pa ang conduction sticker
Sa gawing likuran at kita ang namber
Pati na trade name ng sikat na car dealer,
Na nakalagay sa dapat ay Plate No.
Kasi nga, ‘usual’ na ang kalakarang yan
Sa kahit alin mang ‘car dealer,’ kabayan;
Kung kaya para mag-usisa ng ganyan
Ang sinuman yan ay kawalan ng muwang
Sa mga ‘existing rules and regulations’
Ng LTO at ng tauhan ng Commission
On Elections hinggil sa kung anu-anong
Dapat isagawa sa kanilang Checkpoints.
Alalaon baga, kung para sa ‘gun ban’
Ay huwag na lang sana nilang pakialaman
Kung rehistrado o hindi ang sasakyan
Pagkat may angkop na ahensya para r’yan.
Kaya di man dapat… para lang tumigil
Itong opisyal na lumapit sa amin.
Ang ‘permit to travel’ na bigay sa akin
Ng Carworld at yan ay officially galing
Sa LTO mismo, pinakita ko na
Sa isang tanda ko ay ‘certain’ Maduma
Ang ‘surname’ niyang malinaw na nakaburda
Sa kanang dibdib ng uniporme niya.
At sinundan ko ng pag-abot ng dyario
Sabay sa pagwikang “Peryodista ako
Kaya alam ko ang tamang reglamento
Hinggil sa bagay na inuurirat mo”
Kasi nga kung siya’y LTO Officer
O ika nga’y LTFRB personnel,
Marapat lamang na kabisado ni Sir
Ang SOP tungkol sa’ting subject matter;
Na karaniwan ng kalakaran ngayon,
Puera lang marahil sa “segunda manong”
Sasakyan na dapat ay ‘up-to-date’ itong
Mga ‘stickers’ niyan at ang ‘registration’.
Kaya marapat lang sa puntong naturan,
Ang lumagay tayo sa dapat kalagyan
Upang ang anumang pag-aalinlangan
Ng bawa’t-isa ay mapawing lubusan.
Di ba’t tama lang na kung ang hinaharang
At sinisita ay patungkol sa ‘gun ban’
Ay siyang nararapat na tutukan lamang
Upang ang tamang protocol ang umiral?
O sadyang ang ‘no plate, no travel policy’
Ay kasama yan sa kinukwestyon pati
Nitong aywan lang kung yan ay military,
Pulis, LTO at/o LTFRB?
