Kung dati kang hepe o chief executive
sa isang private o kaya public office,
na kung saan nagpamalas ka ng bait
at wala rin naman yatang nakagalit
Sa mga kawani ng iyong tanggapan
nang ikaw ang mayor o bossing nila r’yan,
(liban sa ibang tila ilag sa’yo minsan
sanhi ng personal na kadahilanan)
Kung kaya maaring kahit napansin ka
nang minsang ikaw ay doon bumisita,
at parang di ka na ‘welcome’ sa kanila,
ya’y natural na lang sa ating kultura
Kaya kung di ka man magawang batiin
ngayong wala ka na sa dating tungkulin,
makabubuting huwag nang bigyan ng pansin
upang di uminit ang iyong damdamin.
At di matulad sa isang former mayor
na umano’y sinigawan yata itong
kung sinong sinita niya nang oras na ‘yon
nang animo ay di yata n’yan pagtugon
Sa kung anong katanungan nitong isa,
kaya sa hamunan yata nagresulta
ang pagsasagutan n’yan ng mainit na
salitang humantong sa hindi maganda.
At kung saan base sa mga nakalap
aa impormasyon ni ‘yours truly’ sa lahat
ng nakapanayam nitong nakalipas
na ilang araw ay si sir daw ang dapat
Sisihin, sapagkat siya kwenta bale
ang pasimuno ng gusot na nangyari
kaya humantong sa di dapat mangyari
ang kung anong bagay na napakasimple.
At kung saan itong kwenta hinamon niya
ay nagsampa yata sa ating piskalya
ng demanda dahil sa ginawa niya
ayon sa ‘source’ nating di iba sa kanya.
Kung kaya nga’t hayan ng dahil po lamang
sa pulitika ay umabot sa isang isang
pangit na situasyon ang dati’y magandang
pagtitinginan ng magka-relasyong yan.
At nang dahil lang sa sariling interes
ng isa o nitong alin pa mang panig,
kadalasan pati magkasanggang dikit
napaghihiwalay minsan ng ‘politics’.
Pero kung ang bawa isa’y nakahandang
magparaan at/o payag mag-hintayan
sa ‘terms of office’ nitong bawat isa r’yan,
malayong mangyari ang ganitong bagay.
Na ng dahil lamang sa tila dinedma
ng ilang kawani ang ‘presence’ kumbaga
nitong dating mayor – kaya nairita
at nasigawan niya marahil ang isa.
Na hindi rin naman daw yata empleado
ng alin mang sangay nitong munisipyo
kundi bayaw lamang ng Alkalde mismo
na may opisyal na lakad din siguro.
Anu’t-ano pa man ang kahahantungan
nitong isyung humantong sa demandahan,
huwag nawang pati na ang serbisyong bayan
ay maapektuhan sa puntong naturan.
At sana ay huwag din namang masamain
ng dating Alkalde ang pagtukoy natin
sa wala sa lugar niyang pag- ‘overacting’
pagkat sa sarili niya’y kapintasan din.
At kung may balak pa kayong makabalik
sa dating posisyon ‘as chief executive;’
Sana, sir – lalo ka pang magpakabait
kaysa dati para muling maka-ulit!!!
