SUBIC, Zambales – Pitong mangingisdang Vietnamese ang dinakip ng mga tauhan ng Bureau of Fisheries and Aquatic Resources (BFAR) Region 3 makaraang makapasok sa territorial waters ng Pilipinas.
Ang mga nasabing Vietnamese fishermen ay nakapasok sa may distansyang 15 nautical miles ng West Philippine Sea. Nabatid na dinakip ng BFAR ang mga Vietnamese makaraan magreklamo ng mga mangingisda ng bayang ito sa paglipana ng mga dayuhan kaya ang lahat ng payao sa laot ay kanila nang pinapandaw at wala na silang mahuling isda.
