IBA, Zambales – Naging matagumpay ang isinagawang Reaffirmation of the Province of Zambales in a State of Stable Internal Peace and Security at Implementation of the PNP-PCG-AFP Collaborative Efforts Program sa pangunguna ng 69th Infantry (Cougar) Battalion at 7th Infantry (Kaugnay) Division ng Philippine Army na ginanap nitong Nov. 28 sa Balin Sambal isa bayang ito.
Ang deklarasyon ay nagpapatunay na nananatiling ligtas, payapa, at malaya ang Zambales mula sa impluwensya ng mga komunistang terroristang grupo bunga ng tuluy-tuloy na pagtutulungan ng Philippine Army, Philippine National Police, Philippine Coast Guard, local peace and order councils, at ng Pamahalaang Panlalawigan ng Zambales.
Dinaluhan ang programa nina Gov. Hermogenes “Jun” Ebdane Jr., Vice Gov. Jacqueline Khonghun, mga miyembro ng sangguniang panlalawigan, at mga opisyal mula sa PNP, PCG, AFP, at DILG.
Tampok sa aktibidad ang pirmahan ng deklarasyon.
Samantala, isang press conference ang isinagawa kung saan tinalakay ang kahalagahan ng programa at ang mga susunod na hakbang upang higit pang mapatatag ang kapayapaan at seguridad sa lalawigan.
Ayon kay Ebdane, napanatili na ang kapayapaan at nakontrol na ang paglaganap ng terorismo at komunismo sa Zambales sa loob ng dalawang taon dahil sa mga programang pangkapayapaan na ipinatutupad.
Panawagan ng gobernador sa mga awtoridad na huwag magtago ng anumang impormasyon sa media sa mga mangyayari sa kapaligiran dahil hahanapin ito para makakuha ng impormasyon.
Photos: Johnny R. Reblando
