HINDI NA talagang puedeng mapigilan
Ang pagbulusok ng pangalan ni EdPam
Patungo sa tugatog ng katanyagan
Dala ng pagiging ‘recipient’ lagi nyan
Ng ‘Most Outstanding Mayor’ at iba pang
‘Award’ na maaring ipangalandakan
Sa iba pang rehiyon nitong Pilipinas
Dahil sa dami ng papuring natanggap
At nakuhang mga natatanging award,
Sa loob lamang ng tatlo hanggang apat
Na taon ng kanyang pagrenda sa siyudad
Ng Angeles bilang butihing city Dad.
Sa tinatawag na ‘Seal of Good Housekeeping’
Ng DILG ay siya’y kabilang din
Sa mga Alkaldeng nasubok ang galing
At husay pati sa ‘effective budgeting,’
Kung kaya’t sa puntong yan ay kasama rin
Sa naging ‘awardees’ ang Alkalde natin.
At gaya ng ating naunang tinuran,
Siya’y recipient din nitong isa pa r’yang
Award na kung saan siya ay kabilang
Sa ‘Most Outstanding Mayor,’ na nabigyan
Ng ‘award’ kasama riyan ng pito pang
Alkaldeng tumanggap ng ganyang parangal.
Na kamakailan lang masayang ginanap
Sa Mandarin Hotel nitong nakalipas
Na Sabado, unang araw ng buwan ng March;
Kung saan kabilang ang iba pang sikat
Na alkaldeng sina Ong Jr., Dy, Mencias,
Eusebio, Padilla, Ortega’t Manlapaz
Ng Sorsogon, Isabela, Pangasinan,
Pasig, Camarines, La Union, Bulacan;
Na kung saan sila ay magkakasamang
Nabigyan ng award at naparangalan
Bilang natatanging mga ‘public servants’
Ng bayan at siyudad na pinanggalingan.
At kung saan kwenta halos taon-taon
Ay kasama lagi ang butihing Mayor
Ng Angeles sa nabigyan ng ganitong
Parangal at award ‘as outstanding mayor,’
Dahilan na rin sa ang husay at dunong
Ni EdPam ay sadyang taga-sa-panahon.
At maingat pati sa lahat ng bagay
Bago gawin at/o isakatuparan,
Kaya naman ligtas siya sa anumang
Isyung di marapat taglayin kailanman
Na makasisira sa kanyang pangalan
Bilang city Mayor na kagalang-galang.
Sapagkat kahit siya’y nakasanggang dikit
Ng dating powerful na Commander-in-Chief,
Si Ed Pamintuan ay di kailanman na-linked
Sa anumang isyung di kanais-nais;
Gaya ng kay Madam ay ipinipilit
Ikaso r’yan nitong hindi rin malinis.
Pero kay EdPam ay anong maibubutas
Ng ni katiting mang gawang di marapat
Ngayong ang tungkulin niya bilang city Dad
Ay ginagampanan niya ng buong tapat?
Inggit lang sa kanya itong naghahangad
Na ma-agaw nila ang puso ng siyudad!
