E KU aintindian ing sangkan nung bakit
lalto king ing taung sinulat king lyrics
niting paksang bage, aliwa i Felix,
nun’e i Meynardo pati na king music.
Yan agpang karing ikua kung dokumentu
keng social media at saka ayalben ku,
king Heroes Hall iniang ‘grand opening salvo’
ning kandidatura nang Edwin Santiago.
E kaya ing sangkan antining aliwa
i Del Rosario ing talagang ginawa
king lyrics ning himno, mekad iti seria
da neng kang Meynardo pepalagiung kusa?
Kesa kang yours truly a e ra kasiyudad
mibie’ing recognition a karapatdapat
mipagkalub antining aku ing sukat
kilalanan at dinan mayap a oras?
Pagmulalan ku ing nung bakit kanita
a e pa midiaryu ing aku talaga
ing tune lyricist ning Himno, den e ra
pepalto’y Meynard ing sinulat king piesa?
Samantalang iting paksang pisasabian
e mu apulu nang banuang mibuklat yan,
king aliwa’y pareng Norming ing talagang
sinulat king lyrics (o ing ninu pa man?)
Nun’e ining maluka yung talasuyu
a papalto reting aliwa ing tutu
o tune lyricist, nun’e ing kabud namu
king apanalben kung Video, linto lagiu!
Tabalu mupin nung miras na kang Meynard
(Lansangan) ya namang king tonu sinulat
ning Himno ning ngeni asensadung siyudad,
inia pabaluan ke at pagnasan yagkat
Mirungut kami king Sangguniang Lungsod
‘Thru an invitation together all involved
Personalities and witnesses to show proof
Of evidence, that may cause on this to resolve.
Na ako talaga ang ‘true lyricist’ na
napagkaitan ng pagpapahalaga,
at lumalabas na kahit isang letra
na ibinahagi sa Himno, zero ba?
At ang nararapat na ‘due recognition’
para kay ‘yours truly’ na ilan ding taong
nabimbin sa opis ni dating Councilor
Lazatin, hanggang sa siya’y maging Vice Mayor.
Komo ba ako ay hindi Fernandino
‘Has no room for something, of which is somehow due
For anyone like me, who worked for the Himno
Of the city even I’m not taga rito?
(Me,) who‘s behind the hymn’s lyrics does not ask for
Something of great value but just recognition
For what he did, can’t be given such an honor
That would make him happy for his contribution?
Keta pang i Mayor Oscar S. Rodriguez
ing makalukluk ken kaku na inulit
kitang nung aku ping sinulat king lyrics
ning Himno, wa ngakung mekibat pasisit
Uli ning ala kung intensyun talaga
iparamdam karing karap mi kanita,
king i Mr. Del Rosario aliwa ya
ing makigawa king lyrics na ning piesa.
(At keta’ing kapatad tamu king panyulat,
Jose Irwin Nucum, keya tune ibat
ing isyung ninu ing talagang sinulat
king lyrics ning Himno ning bantug a siyudad?!)
