MATAAS daw ang ratings ng Celebrity Bluff ng GMA nang lumabas ang pre-taped episode na nasa cast pa si Wally Bayola.
Eh, bago lumabas ang kanyang sex video, sa kanya naka-focus ang plug ng TV show na kinabibilangan nina Eugene Domingo at Jose Manalo.
Pero nang lumabas ang video, kambyo ang staff ng show na binawasan ang exposure ni Wally para na rin protektahan ang interests ng show.
Sa kabuuan na lang ng show napanood ang eksena ni Wally na riot ang dating kaya tumaas ang rating ng comedy game show. Eh, komo nga bakante sa trabaho, may narinig kaming chika na gusto nang bumalik ni Wally sa weekly show.
Pero siyempre, tinitimbang muna ng GMA ang hiling na ’yon ng komedyante dahil maraming factors na kailangang i-consider bago sila magdesisyon. It may take some time upang makabalik si Wally sa dalawa niyang regular shows.
Sabi nga, in due time dahil hindi naman puwedeng sa video na ’yon magtatapos ang career ni Wally.
