UMIRAL ang kabaliwan ni Jose Manalo sa London, ayon sa balita ng ilang press na nakasama sa biyahe.
Nagpunta raw si Jose at ang ibang Dabarkads sa pamosong Abbey Road na nakilala dahil sa grupong The Beatles na tumawid sa kalye at naging cover pa ng isa nilang album.
Aba, sukat ba namang maghubad ng damit si Jose habang tumatawid sa pedestrian crossing ng lugar, huh! Wala siyang pakialam kesehodang matindi ang lamig sa London.
Naku, kung feel ninyong mapanood pa ang ibang kabaliwan ni Jose, aba, manood ng D’ Kilabots Pogi Brothers…Whew?!, na showing na bukas kasama ang kapareho rin niyang baliw na partner na si Wally Bayola.
