SAN ANTONIO, Nueva Ecija – Ibayong pag-asang pangkabuhayan ang hatid ngayon ng walis tambo para sa mga residente ng bayang ito matapos muling itanghal ang street dancing competition na nagtatampok sa naturang produkto sa kapistahang nagtapos nitong Martes.
Daan-daang mag-aaral na naka-costume na may dekorasyong walis tambo mula sa anim na paaralan ng bayan ang nagpaligsahan kamakalawa samantalang ang mga produkto ay naka-display sa mga trade fair booth sa bakuran ng pamahalaang bayan.
Ayon kay Dr. Agelita Salonga-Esquivel, hermana ng kapistahan ni San Antonio Abad ngayong taon, talagang “it’s more fun in San Antonio,” kung pag-uusapan ang negosyo ng walis tambo na ngayon ay umaani ng suporta mula sa pribadong sektor, pamahalaang bayan sa pangunguna ni Mayor Arvin Salonga, Department of Trade and Industry (DTI), Department of Labor and
