Natanong anman si Julia Barretto kung alam na ba ng isa niyang tita na si Claudine ang tungkol sa pagkakapili sa kanya as Cofradia at kung may advice ba itong ibinigay.
“Ah, wala pa akong nakukuhang advice from her, eh,” natatawa at parang nag-aalangan niyang say.
Natawa na rin ang press dahil alam naman ng lahat ang isyu sa pagitan nilang mag-tita na diumano nga ay sinisiraan siya ni Claudine.
“Pero okay lang,” Julia added, “I mean, I’m getting good advice from my mom and for now, mas gugustuhin ko lahat ng advice from her.”
Pero ang Tita Gretchen niya ay nakausap na niya at nagbigay na ng advice sa kanya.
“Alam niyang parang may show na mangyayari. Basta ang sinabi lang niya, ’Julia, you have to keep praying lang na matuloy, na mataas ’yung rating,’ ’yun ’yung pinaka-advice niya sa akin,” she said.
Diretsang natanong si Julia sa individual interview with the press kung naniniwala ba siya talagang magagawa ng Tita Claudine niya ang siraan siya.
She replied, “Ah, for me, I don’t wanna comment about that, talk about that because ’yung mga pinag-uusapan ng mga tita ko, sa kanila na lang ’yun. Parang ’yung mga sinasabi nila sa akin, ayoko munang pansinin.”
Ayon pa kay Julia, hindi raw naman nila napag-uusapan ang tungkol sa isyung ’yun.
“Wala namang (talk) na parang ‘Julia, ikaw ang reason,’ wala namang ganu’n. Sa kanila na lang ’yun, sila na lang ang mag-usap-usap about that. Ayoko talagang ma-affect, ayokong pag-usapan, kasi it’s such a happy day today, it’s been great the past few days, it’s been a great week na wala akong time to think about those stuff,” say pa niya.
