Biglang kumambyo si Vice Ganda sa pahayag niyang niya problemang namagitan sa kanila ni Ogie Diaz na siya siyang manager. Sa latest interview kay Vice, tiniyak niyang nagkamabutihan sila ni Ogie at maganda ang samahan nilang dalawa.
Is this saying na natatakot si Vice Ganda na mapagbalingan ng poot ng mga kapanalig ni Ogie na karamihan nga ay mga media people.
You see, sa tinagal-tagal ni Ogie bilang mediaman, marami na rin siyang kaibigang nakahandang sumuporta sa kanya kahit na sabihing di naman talaga ganun ka-close kung makipagturingan ito sa mga kaibigan niyang gaya niya ay member ng press.
But the fact na higit pa ring mas mabait si Ogie kaysa alaga niya, is more than enough para nga ang writer turned comedian ang mas kampihan sa away nila.
Kahit paano naman kasi, may takot si Vice na masira’ng career niya na nang dahil nga kay Ogie ay namulaklak.
May takot pa rin talaga si Vice kaya kumambyo ito. Sige nga, subukan ni Vice na magrakulyo at ituloy niya ang sinabi niyang may away sila ni Ogie Diaz, tingnan natin kung hanggang saan yung attitude niya. Aber nga, sige.
At kahit nauna na yung mga pagtatakip ni Ogie kay Vice Ganda, kung saan di na sila makapagpigil na mag-asawa na may mga tao silang nahihingahan ng mga sama ng loob nila sa alaga.
Imagine, napakasama ng mga texts ni Vice kay Ogie na sinabing wala raw kuwentang manager si Ogie. Siguro sa sobrang sama ng loob ng misis ni Ogie, sa kanya pa mismo nanggaling ang tunay na estado ng kanilang mga problema.
May nagsasabi namang naghihinayang si Ogie sa komisyon. Na kumbaga, ito rin ang ginagawang dahilan ni Vice kung kaya minamaltrato niya ang kanyang manager. Siguro, sinasabi nito sa sariling wala itong magagawa dahil nagagahaman ito sa malaking komisyong makukuha nito.
May mga nagsasabi namang totoo yung gusto nang kumawala ni Vice kay Ogie kaya ganun na lang ang pang-aapi niya.
Usapan tuloy ng ilang editor at writers, may sumusulot kay Ogie na gustong mag-manage kay Vice. Na kumbaga, may taong kausap na si Vice na hahawak sa kanya kung sakali.
Ganun nga kaya?
In all these controversies, tahimik lang si Ogie, pa-low profile ‘ika nga nga. But never na nagpakita siya ng senyales na natakot siyang mawala sa kampo niya si Vice Ganda. Kaya nga either tahimik lang siya o kung minsan, panay ang tanggol sa alaga.
But lately, nag-isyu na rin ng statement si Ogie by saying na kung ano ang gustong mangyari ni Vice okey na sa kanya. Na kung gusto raw niyangmagmahalan sila, mamahalin pa rin niya si Vice.
Pero malinaw na puro yung pagmamahal na bigay niya kay Vice. Na kung walang Ogie Diaz wala namang Vice Ganda.
Remember that from obscurity, nakagawa ng milagro si Ogie to transform this ordinary gay into a celebrity.
Aba, kung tutuusin, walang hanggang pasasalamat dapat ang ibigay kay Ogie dahil nga lagi niyang sinasabhiang walang kuwentang manager ay siya ring naglagay sa kanya as to here he is now.
Sige lang, ipagpatuloy ni Vice ang kanyang masamang attitude, tingnan lang natin kung saang kangkungan siya puplutin sa hulingbahaging kanyag mabulaklak na career?
By the way, ganito ang reaksyon ni Ogie sa laging sinasabi nga ni Vice na maraming bagay silang hindi napapagkasunduan.
“Siya na rin ang nagsabing may problema kaming pinagdadaanan bilang manager-talent. Sa totoo lang, normal lang naman ito sa isang relasyon.
Kahit sa magsyota, mag-ina, magkapatid, magkaibigan, hindi nawawala ang diskusyon at alitan. Hindi personal ang problema kundi may kinalaman sa trabaho.
At naniniwala kami na ang bagay na ito ay parang hindi magandang “isumbong” pa sa publiko, dahil unang-una, hindi maiintindihan ng karamihan.
At ang tendency, magpaliwanag kami sa publiko gayong kaming dalawa lang ang makakaayos nito. Anyway, nasabi na ang nasabi. Anuman ang kahinatnan ng usaping ito ay sana, maayos pa rin.
Pero kung hindi na maaayos, gano’n lang naman ‘yon. ‘Yung mag-asawa nga, kahit sampung taon nang nagsasama, dumadaan din sa ganitong problema kahit pa sila’y may mga anak pa, kami pa kaya ni Vice?
Basta ang importante sa amin ngayon, kung sakaling mauuwi rin nga sa hiwalayan, sana’y ingatan ni Vice ang kanyang bonggang career, lalo na ang kanyang kalusugan.”
