First project ni LT ang Glamorosa sa TV5. Matatandaang huli siyang napanood sa Minsan Lang Kita Iibigin sa ABS-CBN at pagkatapos ay nabalita na ngang lumipat na siya sa Kapatid Network.
Paano niya iku-compare ang working experience niya sa TV5, ABS-CBN and GMA-7.
“Ay, wala akong masa-mang experience with Channel 2, Channel 7, so, kung iku-compare ko, lahat sila, the same, hindi naman nila ako pinababayaan and sa experience ko dito, hindi naman ako pinabayaan.”
When asked why TV5, aniya, “siguro, masarap na i-welcome ang alam mong makakatulong hindi lang sa kapwa mo artista, kung hindi sa lahat ng nagtatrabaho sa industriya.
“The more, the merrier dahil mas maraming trabaho ang magkakaroon hindi lang kami, kungdi hanggang sa pinakamaliit na aspeto, magkakaroon ng trabaho at ’yun ang masarap na suportahan dahil ’pag dumami, di walang mawawalan ng trabaho.”
Samantala, ginagampanan ni LT sa Glamorosa ang role ni Natalia Herrera, isang mayaman at tanyag na cosmetic surgeon na dadaan sa isang matinding pagsubok matapos mawala ang kanyang anak at ang lalaking kanyang pinakamamahal.
Makakasama niya sa nasabing teleserye sina Alice Dixson, Zoren Legaspi at ang isa sa prinsesa ng TV5 na si Ritz Azul gayundin sina Tonton Gutierrez, Lotlot de Leon, Ms. Gloria Diaz, Celeste Legaspi at marami pang iba.
