Bilang Ari ning Parnaso, dimdam ko pu ding kutang yu
at pakibatan ku la pu king abut na ning agyu ku,
at ing buri yung abalu: Ninung tangkilikan tamu
karening ngeni tatagal manungkulan king gobyernu,
at ngayu pang magsalita—ibye tang suporta tamu
at ing kekatang sikanan king matampang kandidatu.
Tutu pu, e ku lilingad, atin tamu pung sikanan
agyang manuknangan tamu lipat kadayat malatan,
pablasang ining Parnaso a kekong kikilalanan
mebina ya pung malakwe, pangmabilug yang ketawan;
inya nung ipasyag taya ing kandidatung pilinan
ala pung kaduda-duda, manyambut ya king halalan.
Metung pa, ding watas tamu alang salang sumaup la…
ing kekatang kandidatu parangalan de king rima,
kabang ding kapatad tamu king lipat dagat mag-obra
kusang lub dang munye saup king abut na ning agyu ra;
inya king kombinayun na ning pinansyal at ning lira
ing kekatang kandidatu, magwagi yang alang sala.
Opu, maniwala ku pu king igkas yung kekong panig
king lagyu na ning kultura, matibe tamu pung dalig,
lalam ning pamisanmetung at matatag tang pamyusig
ing kandidatu tang dalan king labanan e maraig,
at nung king kapamahalan atin tamung kapanalig
asopan ne ing kultura at amanung makapandig.
Opu, maniwala ku pu, tutu pu, kailangan taya
ing akasaup tamu pung mangibangun king kultura,
iti, tau yang maki-dyos, maki- pusu, at kaladwa
at maki tune masabal king amanu tamung mana;
uling ing taung malugud king kulturang kegisnan na
ya ing taung makilugud king sariling balayan na.
Kapamu…, kutnan da ko pa: ninu ya, ninu’ta karen
ing tune makimasabal king kultura na ning balen…?
nung tutung kapampangan ya at tapat ya ping kabalen
o’bat ing amanung sisuan tilutan neng mipaburen?
sabian yu, nanung gewa na ban paglualu ne at banten
ing amanung sisuan tamung malambat danang papaten..?
Sabian yu, ninu pu karen ing sinabi king “e ustu
ing patdan ya keng eskwela ing sarili tang amanu”…?
Sabian yu, ninu ya karen ing sinabi king konsehu
“manyabi tang kapampangan uling kapampangan tamu”…?
Sabian yu, ninu ta karen sinabing “pagmaragul ku
kapampangan ku king lahi, pusu, ampon pangatau”.
Aten…? Siguru pu atin, atin sigurung mapilan
a sasabing malugud la king kulturang kapampangan,
dapot nung ikutang tamu, nanung karelang depatan
ban misalba ya mo sana ing amanu na ning tibuan,
anti ku namong akakit mangakakak na la kanian
uling angga la keng sabi, nung keng dapat, ala no man.
Yang dila makayapse yang makabighaning pangaku
makawiling daramdaman, atmu lambing, atmu lagu,
dapot yan mengari ya mu king atmu lambut a silu
ban keta alinlang da la ding mangalambut a pusu,
inya ing panyukad tamu ban mabalu ya ing tutu
nung nanu nang asuyu ra king kulturang katutubu.
Kaluguran kung memalen ning Parnaso na ning lahi
makabuklat ya panamdam diwa ampon pamanyuri
Ninung tangkilikan tamu, sabian ye pung e mangimi
ninung balu yung malugud king amanu na ning dayi?
Aduan ku pung ing lagyu na isampa yeng mamiragli
at bustan yung ing dapat na yang masanak at masuri.
Salamat pu king kutang yu, ing tangkilikan, ninu ya
keng daratang a halalan a ngeni milalapit na…?
Ing apakibat ku mu pu, ding kandidatu suryan la
nung nanu nang asuyu ra king amanu tamung mana,
nung manakit tamung metung, pisasannmetungan taya
gawan tamung agyu tamu ban kanita manyambut ya.
At karetang king amanu tamu, ala pung masabal
pakisabi ku pung mayap, karen, e ko pu manalal,
nung mipuk la king tungkul den ilang kalaban nang mortal
ning amanung sisuan tamung matapat tang pakipagkal,
kesa king samawup la ren ban minuan ya at mirangal
ing sarili tang salita panyakalan de pa batal.
Angga na pamu pu keni, nung atin kong kutang kaku
http://Parnasu.ning.com , ati ku ken, ayan yu ku;
yan ing Bale dang tuknangan ding malugud king amanu
at kulturang kapampangan a akagisingan tamu,
pablasang ing kulturang yan, kapanwalan ming masolu
ya ing pangakapampangan, ing kekatang pangatau.
at pakibatan ku la pu king abut na ning agyu ku,
at ing buri yung abalu: Ninung tangkilikan tamu
karening ngeni tatagal manungkulan king gobyernu,
at ngayu pang magsalita—ibye tang suporta tamu
at ing kekatang sikanan king matampang kandidatu.
Tutu pu, e ku lilingad, atin tamu pung sikanan
agyang manuknangan tamu lipat kadayat malatan,
pablasang ining Parnaso a kekong kikilalanan
mebina ya pung malakwe, pangmabilug yang ketawan;
inya nung ipasyag taya ing kandidatung pilinan
ala pung kaduda-duda, manyambut ya king halalan.
Metung pa, ding watas tamu alang salang sumaup la…
ing kekatang kandidatu parangalan de king rima,
kabang ding kapatad tamu king lipat dagat mag-obra
kusang lub dang munye saup king abut na ning agyu ra;
inya king kombinayun na ning pinansyal at ning lira
ing kekatang kandidatu, magwagi yang alang sala.
Opu, maniwala ku pu king igkas yung kekong panig
king lagyu na ning kultura, matibe tamu pung dalig,
lalam ning pamisanmetung at matatag tang pamyusig
ing kandidatu tang dalan king labanan e maraig,
at nung king kapamahalan atin tamung kapanalig
asopan ne ing kultura at amanung makapandig.
Opu, maniwala ku pu, tutu pu, kailangan taya
ing akasaup tamu pung mangibangun king kultura,
iti, tau yang maki-dyos, maki- pusu, at kaladwa
at maki tune masabal king amanu tamung mana;
uling ing taung malugud king kulturang kegisnan na
ya ing taung makilugud king sariling balayan na.
Kapamu…, kutnan da ko pa: ninu ya, ninu’ta karen
ing tune makimasabal king kultura na ning balen…?
nung tutung kapampangan ya at tapat ya ping kabalen
o’bat ing amanung sisuan tilutan neng mipaburen?
sabian yu, nanung gewa na ban paglualu ne at banten
ing amanung sisuan tamung malambat danang papaten..?
Sabian yu, ninu pu karen ing sinabi king “e ustu
ing patdan ya keng eskwela ing sarili tang amanu”…?
Sabian yu, ninu ya karen ing sinabi king konsehu
“manyabi tang kapampangan uling kapampangan tamu”…?
Sabian yu, ninu ta karen sinabing “pagmaragul ku
kapampangan ku king lahi, pusu, ampon pangatau”.
Aten…? Siguru pu atin, atin sigurung mapilan
a sasabing malugud la king kulturang kapampangan,
dapot nung ikutang tamu, nanung karelang depatan
ban misalba ya mo sana ing amanu na ning tibuan,
anti ku namong akakit mangakakak na la kanian
uling angga la keng sabi, nung keng dapat, ala no man.
Yang dila makayapse yang makabighaning pangaku
makawiling daramdaman, atmu lambing, atmu lagu,
dapot yan mengari ya mu king atmu lambut a silu
ban keta alinlang da la ding mangalambut a pusu,
inya ing panyukad tamu ban mabalu ya ing tutu
nung nanu nang asuyu ra king kulturang katutubu.
Kaluguran kung memalen ning Parnaso na ning lahi
makabuklat ya panamdam diwa ampon pamanyuri
Ninung tangkilikan tamu, sabian ye pung e mangimi
ninung balu yung malugud king amanu na ning dayi?
Aduan ku pung ing lagyu na isampa yeng mamiragli
at bustan yung ing dapat na yang masanak at masuri.
Salamat pu king kutang yu, ing tangkilikan, ninu ya
keng daratang a halalan a ngeni milalapit na…?
Ing apakibat ku mu pu, ding kandidatu suryan la
nung nanu nang asuyu ra king amanu tamung mana,
nung manakit tamung metung, pisasannmetungan taya
gawan tamung agyu tamu ban kanita manyambut ya.
At karetang king amanu tamu, ala pung masabal
pakisabi ku pung mayap, karen, e ko pu manalal,
nung mipuk la king tungkul den ilang kalaban nang mortal
ning amanung sisuan tamung matapat tang pakipagkal,
kesa king samawup la ren ban minuan ya at mirangal
ing sarili tang salita panyakalan de pa batal.
Angga na pamu pu keni, nung atin kong kutang kaku
http://Parnasu.ning.com , ati ku ken, ayan yu ku;
yan ing Bale dang tuknangan ding malugud king amanu
at kulturang kapampangan a akagisingan tamu,
pablasang ing kulturang yan, kapanwalan ming masolu
ya ing pangakapampangan, ing kekatang pangatau.
