Maraming nag-uusisa at ang mga nagtatanong
kung ang tulay ng SAN MIGUEL sa may bayan ng San Simon
ay sisimulan na ulit ang NAUDLOT na konstruksiyon
at kung ito’y MATATAPOS na nga raw ba ngayong taon
pagkat batid ng marami ito’y may PONDO na noon
ng halagang diumano”y higit TATLONG DAANG MILYON
Oo higit tatlong daang milyon na ang IPINONDO
upang ang nasabing tulay MAGAWA na diumano
taong 2022 pa ng PASINAYAAN ito
ng ating CONGRESSWOMAN sa ika-apat na distrito
at sa INAGURASYON ay kasama pa nito mismo
ang alkalde at vice mayor na dating MAGKAALYADO
III.
Saan napunta ang pondo para sa nasabing TULAY?
na sa barangay San Miguel at San Jose’y nag-uugnay
hanggang kailan magtitis hanggang kailan maghihintay
mga pobreng RESIDENTE ng apektadong barangay
pondong NAKALAAN dito saan kaya inilagay
at kung ito ay wala na sino kaya ang LUMUSTAY?
Yan ang katanungan ngayong dapat mabigyan ng sagot
ng lahat ng personaheng sa proyekto ay kasangkot
ang DPWH nga ba ang siyang dapat na managot
o ang lokal na gobyerno sa proyekto na naudlot
sa isip ng mamamayan ngayo’y tila bumabalot
ang mga sapantaha na ang pondo ay nakurakot
Sa pagkawala ng tulay marami ang apektado
hindi lamang ESTUDYANTE kundi pati na BIYAHERO
sa panahon ng tag-ulan ay napaka DELIKADO
lalo na sa mga taong sumasakay sa BADEO
tila ba kay kamataya’y nakikipag PATINTERO
ang ilan sa di marunong lumangoy na PASAHERO
Kung kailan yan matatapos ay hindi pa natin batid
baka ito’y abutin pa ng taong 2026
pansamantala siguro’y magtayo muna ng FOOT BRIDGE
na kung saan ang TRICYCLE ay pwede ring makatawid
upang ang PAGLALAKBAY ng mga tao’y mapabilis
lalo na sa pagbibiyahe ng mga taong MAYSAKIT
VII.
Ang tanong ng mamamayan ng SAN SIMON ay ganito
sa mga KONGRESISTA ng ika-apat na distrito
ang tulay ba ng San Miguel ay may NAKALAANG pondo?
sa taong 2025 upang masimulan ito?
ilang taon pa ang dapat hintayin ng mga tao
upang bigyang katuparan ang naudlot na PROYEKTO
