CABANATUAN CITY – Arestado ang isang 35-anyos na hinihinalang tulak ng ipinagbabawal na gamot matapos mahulihan ng droga sa buy-bust operation na inilatag ng mga operatiba ng station drug enforcement unit, sa pakikipag-ugnayan sa Philippine Drug Enforcement Agency sa Barangay Mayapyap Sur, Cabanatuan City nitong Miyerkules.
Kinilala ni Supt. Ponciano Zafra, hepe ng Cabanatuan City police station, ang nadakip na si Jerwin Medina, alyas Popong, may-asawa at residente ng naturang barangay.
Ayon kay Zafra, isinagawa ang buy-bust bandang alas 9:30 ng gabi sa Purok Dahlia, Mayapyap Sur matapos makumpirma ang mga ulat hinggil sa umano’y iligal na aktibidad ng suspek.
Ang operatiba na nagkunwaring mamimili ng droga ay nabili umano ng isang plastic sachet ng shabu at nabawi mula sa suspek ang dalawang P100 bill na ginamit sa operasyon.
Nahaharap ngayon sa kasong paglabag sa Comprehensive Dangerous Drugs Act ang suspek na kasalakuyang nakapiit sa detention facility ng CCPS.
