Bahagi ng minahan na pinanggalingan ng truck. Kuha ni Johnny R. Reblando
STA CRUZ, Zambales — Patay ang isang driver matapos mawalan ng preno at bumangga sa puno ang minamaneho nitong hauling truck sa Barangay Tubo-Tubo South sa bayang ito.
Kinilala ng pulisya ang biktimang si Rogelio Menor, 76, residente ng Sitio Riverside, Barangay Lipay, Sta Cruz.
Batay sa imbestigasyon ng pulisya, isang Izuzu 10-wheeler truck na may plakang RKK-715 na naglalaman ng nickle ore mula sa isang minahan ang minamaneho ng biktima at habang binabagtas ang daan papuntang timog, pagsapit sa kurbadang bahagi ay nawalan ito ng preno at kontrol sa manibela na siyang dahilan para bumangga sa punong pine tree at saka bumaligtad.
Kaagad namang isinugod ng mga saksi ang biktkma sa Sta Cruz District Hospital subalit hindi na ito umabot ng buhay.
