CASTILLEJOS, Zambales –Patay na nang matagpuan ng isang magsasaka ang isang driver sa loob ng kanyang minamanehong tricycle sa Barangay Nagbunga sa bayang ito noong Linggo ng madaling araw.
Kinilala ni Senior Inspector Jose Arca, hepe ng Castillejos PNP, ang biktimang si Celestino Pascua, 29, residente ng Purok 6, Barangay Magsaysay ng nasabing bayan.
Sa pagsisiyasat ng scene of the crime operatives (SOCO) ang biktima ay nakatali ng panyo ang bibig, at mga kamay at may tama ng bala sa kaliwang pisngi na naglagos sa batok nito.
Natagpuan sa pinangyarihan ng krimen ang isang basyo ng .9mm pistol.
