Nakausap namin sa phone si Tom Rodriguez bago pumunta sa storycon ng My Husband’s Lover.
Mixed emotions daw siya, overwhelmed na matutuloy na siyang magtrabaho sa GMA Network at nabanggit na nag-audition siya dati para sa Amaya, pero hindi siya natuloy at ngayon lang siya makakalipat.
Walang magiging problema si Direk Dominic Zapata dahil sabi ni Tom, gagawin niya ang mga eksenang kailangan niyang gawin pati ang kissing scene nila ni Dennis Trillo.
“Kasama ang kissing scene sa trabahong tinanggap ko, gagawin ko ’yun. At least si Dennis, matagal ko ng friend at pareho pang si Popoy (Caritativo) ang manager namin, wala nang ilangan.
“Si Carla Abellana, nakilala ko nang mag-audition ako. She’s very sweet, very approachable and very accommodating. Big challenge sa akin ito, gusto ko talagang galingan at thankful ako sa GMA for giving me a very challenging role,” sabi ni Tom.
Ayon pa sa kanya, maayos siyang nagpaalam sa ABS-CBN at December 8, 2012 pa pala nagtapos ang kanyang kontrata.
Next week, pipirma naman siya ng kontrata sa GMA Network.
Sa June 10 na ang pilot ng My Husband’s Lover at sa storycon, may parang poster ng naghahalikang dalawang lalaki ang ipinakita.
Kabilang sa kasama sa cast sina Kuh Ledesma at Victor Basa. Reunion ito nina Kuh at Dennis na unang nagkasama sa Endless Love bilang mag-ina.
