LUNGSOD NG CABANATUAN CITY — Kalaboso ang binagsakan ng isang tindero ng pandesal nang mahulihan umano ito ng iligal na baril sa Barangay Nazareth, Gen. Tinio, Nueva Ecija nitong Lunes, June 2.
Ayon kay Nueva Ecija Police Provincial Office director Col. Ferdinand D. Germino, nahulihan ng isang .38 revolver ang suspect sa implementasyon ng search warrant na inisyu ng Gapan City Regional Trial Court pasado alas-7 ng umaga.
Kargado ng limang bala ang rebolber, ayon kay Germino.
“The search was executed in a legal, peaceful, and orderly manner, with barangay officials and members of the media present to serve as insulating witnesses and ensure transparency,” batay sa ulat ng NEPPO information office.
Nahaharap ngayon sa kasong paglabag sa RA 10591 (Comprehensive Firearms and Ammunition Regulation Act) ang suspek na nakaditine sa GTPS custodial facility.
“We will be relentless. We will continue to eradicate loose firearms across the province to ensure the safety of every Novo Ecijano” ani Germino. Alinsunod ito, aniya, sa direktiba ni Police Regional Office 3 director BGen. Jean S. Fajardo. Contributed photo
