Naranasan ni Alden Richards kahit isang araw man lang ang maging trabahador sa isang construction site nang tumulong siya sa build-a-home project ng Habitat for Community sa isang adopted community ng nasabing non-profit organization sa Quezon City.
Inasahan niyang magiging construction worker siya sa kabahayang itinatayo pero pinaalis at pinalinis lang sa kanya ang mga tambak na semento na nagsisilbing hadlang sa daanan ng mga tao. Sambit ga ni Alden sa isang speaker ng samahan, nabitin daw siya sa simpleng ginawa niya.
Inilipat lang kasi niya ’yung debris mula sa Area A patungo sa Area B. “Ang nakatutuwang sinabi ng speaker sa akin, it’s not how o kung gaano kalaki ’yung trinabaho ko, gaano kahirap, gaano ka napagod. It’s more on kung anong ginawa mo.
You made a difference, you helped in your way, na kahit paano kung hindi ka tumulong, malamang marami pang debris doon sa site na ’yon na dinadaanan ng tao. “So in your way, sabi ko, tama naman. It’s the amount of effort that you gave, and not how hard the task is,” pahayag ni Alden.
Nakibahagi si Alden sa Habitat for Community bilang bahagi ng kanyang selebrasyon ng 23rd birthday niya. Kung naging simple lang ang selebrasyon niya kasama ang pamilya at kapatid, hindi ’yon doon nagtapos dahil gusto naman niyang makatulong sa mga samahang tumutulong sa mga tao.
Naghahanap pa nga siya ng ilan pang outreach programs upang makibahagi bago siya umalis patungong Europe para sa International Film Festival sa Rotterdam.
Hindi lang si Alden ang GMA Artists na binuksan ang tao sa mga charitable works dahil si Kylie Padilla at Mikael Daez ay nagkaroon ng sariling outreach program din noong Enero 11 kung saan nakasama nila ang estudyante ng Pag-asa Elementary School sa Caloocan City.
Kapwa ambassadors ng Save The Children sina Kylie at Mikael kaya naging bahagi sila ng programang inihanda ng Save The Children Organization kasama ang mga humigit-kumulang na 70 bata mula edad na pito hanggang siyam.
Binigyang-buhay ng dalawang Kapuso artists ang mga kuwento sa libro sa masigla nilang pagbabasa ng storytelling portion. “It’s nice seeing them smile because of what you do for them. It’s a simple thing for us, ’yung mag-act ng konti or magbasa sa kanila.
Pero its’ a big deal dahil nakikita mo ’yung effect ng ginagawa mo sa ibang tao,” saad ni Mikael. Pinangunahan din nina Mikael at Kylie ang isang feeding program kung saan hindi lamang nila binusog ang mga tiyan ng bata kungdi ang mga puso rin.
“That is the way I want to extend the blessings I receive kasi these children are so pure. And I know that helping them experience a happy childhood can be an inspiration to them,” katwiran naman ni Kylie.
Sa ngayong, abala si Kylie sa taping ng More Than Words kung saan siya ang hadlang sa pag-iibigan ng mga bidang sina Elmo Magalona at Janine Gutierrez habang si Mikael naman ay napapanood sa GMA
