KUNG SA kabila ng magandang layunin
ni Duterte para magawang sugpuin
itong ‘illegal drugs’ ay siya pa ang ating
minamasama at pagbintangan nating
may pakana ng ‘extra judicial killings,’
at ibang sa kanya’y sinisisi natin.
Saan sa akala natin ilalagay
ang kanyang sarili para magampanan
nang naaayon sa kanyang sinumpaang
tungkulin ang lahat na ng nakaatang
sa kanyang balikat bilang isang halal
na Pangulo natin sa kasalukuyan?
Tutunganga na lang ba siya at sukat
at di niya gawin ang tungkuling dapat
asikasuhin at bigyan ng marapat
na aksyon itong sa ating komunidad
‘state of lawlessness’ at lalong pagtaas
nang bilang nitong adik sa ‘illegal drugs?’.
Kung saan mula nang ilunsad ni Digong
ang kanyang ‘war on drugs,’ halos araw-araw
may napabalitang ‘pushers’ na diumano’y
nanlaban sa pulis nang sila’y masukol
kaya napatay ‘base on investigation’
ng autoridad na may ‘offi cial mission’.
Pero sa kabila ng lahat, kay Pangulo
isinisisi ang lahat na ng ito,
tulad na lang nitong akusasyon mismo
ng KMP at ng iba’t-ibang grupo;
na nananawagan upang i-’ouster’ ito
sa anila’y ‘drastic’ niyang pangungubyerno
Alalahanin din sana naman nila
na sa kabila r’yan ng kanyang kampanya
laban sa lintik na iligal na droga,
ang ‘drug menace’ hayan…buhay na buhay pa
at patuloy ang pag-usbong n’yan kumbaga
sa lahat ng dako, kaya nga’t grabe na.
At kailangan na talagang matuldukan
sa lalong madaling panahon, kabayan
itong ‘illegal drugs’ at iba pang bawal
na gawaing hindi marapat tularan,
lalo nitong ating mga kabataang
sa araw ng bukas, pag-asa ng bayan
Na baka lulong na sa pinagbabawal
na drogang di dapat na matikman man lang,
kaya sinisikap nitong Malakanyang
na mailayo ang mga kabataan
sa katulad nitong salot sa lipunan
at bisyong ni hindi marapat tularan.
Kaya nang kung hindi si Digong Duterte
ang siyang nanalo sa pagka-presidente,
saan na tayo sa akala n’yo Pare,
sa panahong ito pupulutin bale,
kundi sa kangkungan o gilid ng kalye
kung tayo’y buwang na sa shabu’t ecstasy?
Sa totoo lang ay kung paka-isipin
ang bagay na ito ng sinuman sa’tin,
na ibinubunton ang sisi sa ating
mahal na Pangulo, masasabi nating
ang lahat ay baka inggit lang marahil
sa kanya, sa taglay niyang husay at galing
At pagiging lubhang malapit sa kanya
ng taong bayan at ng ibang bansa pa,
na di naranasan marahil ng iba
na naging Pangulong nauna sa kanya;
Na maituturing na tapat talaga
sa sinumpaan niyang tungkulin sa Masa!
