MULA IPAIRAL itong mahigpit na
Pagpapatupad sa ilang ordinansa
Ng Angeles at kung saan si EdPam na
Itong tumutok ng husto sa problema
Para personal niyang makita kung bakit
Sa kabila r’yan ng kanyang pagnanais
Na maging uliran ang siyudad sa linis
Ay marami pa ring kalat sa paligid
Partikular sa may gawi ng Rotonda,
Ng city proper at kalsadang papunta
Sa Mabalacat at Porac, kasama na
Ang binabagtas ng dyip na biaheng Villa
At kung saan bunsod ng ya’y karatig lang
Nitong San Nicolas market ang parteng yan
Ay natural lang na karaniwan na riyan
Itong iba’t-ibang kalat sa lansangan
Ng ating pedestrians, at kung saan sanhi
Nitong ang bangketa’y okupado lagi
Ng mga vendors na tinda’y sari-sari,
Yan araw-araw ay barado palagi
At di madaanan ng mga ‘pedestrians,’
Dala ng kung anong mga naghambalang,
Saan sa akala natin magdaraan
Ang mga yan kundi sa gilid ng daan?
Kung saan posibleng sila ay masagi
Ng mga sasakyan, at siyang maging sanhi
Ng malubhang aksidente kung sakali,
Na di mailagan, munting pagkamali.
Pero sa ngayon ay lubhang malayo na
Sa dating situwasyon ang d’yan makikita,
Sapagkat nang dahil kay Mayor, iba na
Ang sa lugar na yan mamamalas tuwina.
Malinis na ngayon ang kapaligiran
At pati ‘ambulant vendors’ wala na riyan
Mula ipatupad ni Mayor Pamintuan
Ang city ordinance na kinakailangan.
Kung saan si Mayor itong personal na
Nagmatyag para masubaybayan niya,
Ang mga pagkilos at daloy pati na
Ng buhay palengkeng tadtad ng basura
At pagtapon basta riyan nitong iba
Ng kanilang kalat kahit sa kalsada,
Sanhi ng aywan kung ito ay likas na
O kawalan pati na ng disiplina
Nitong nagtitinda’t mga mamimili,
Na aywang kung sadyang sila’y walang paki
Sa ikasisira ng imahe pati
Ng lungsod sa mata ng nakararami.
Pero nang dahil sa pati na illegal
Na istraktura ay kanyang pinatanggal,
Gumanda na’t naging malinis ang lugar
Sa mata ng ating mga mamamayan.
Kasama na syempre pati ang turista
At iba pang ating nagiging bisita,
Na inaasahang dadagsa sa tuwina
Dito sa Angeles kapag natapos na
Ang pagpapaganda ng ating city Dad
Sa ‘Heritage District’ ng naturang siyudad,
Na nasimulan na ang mga marapat
Na pagkilos para ganap na matupad
Ang mga pangarap para sa Angeles
Nitong mabait at butihing city Dad,
Na“World Class’ na nga ay siya pa ang ‘The best
Mayor the City of Angeles had ever had!’
