itong Pilipinas ng lumang sasakyan
na galing sa bansang katulad ng Japan,
d’yan kahit papano ay may pakinabang
Sapagkat kumpara sa ‘brand new,’ di hamak
na mura ang kotse’t mga right hand drive truck;
Pero ngayon ang sa atin itinambak,
(Na galing Canada), kakaiba sa lahat
Na idineklara – as imported shipment
at naglalaman ng umano’y assorted
plastic scrap pero nang ito’y ma-inspect
Ng BoC, DENR, ya’y pawang unwanted
Na materials ang laman ng containers vans
na kinalalagyan ng basurang iyan;
(Kung kaya natengga nang mataga-tagal
sa Custom nang di man lamang nabawasan?)
Gayong tatlong taon itong naka-imbak
sa pier bago yata ‘tinapon sa Tarlac;
(Di gaya ng ibang ‘imported materials,’
na napakadaling sa Custom masikwat!)
Subalit sanhi nga ng kadahilanang
walang nag-claim hanggang sa inuod na yan,
Ay itinapon na sa ating bakuran
Nang di maibalik sa pinanggalingan.
Ano’t tikom lang ang bibig ng Pangulo
sa tila direkta ng pang-iinsulto
nitong Canada sa mga Pilipino
sa ginawa nila sa panahong ito
Na hayan, kahit na halos tapakan na
tayo riyan ng iba ( tulad nitong Tsina)
Ay tila kampante lang din sa tuwina
ang mga marapat kumilos kumbaga?
Lulunukin na lang ba natin kabayan
ang ginagawa sa atin ng mga yan,
Na kahit mali ay todo pasa lamang
sa nakararaming bulok na opisyal?
Ano sa palagay n’yan sa Pilipinas?
tapunan na lang ng basura at lahat?
Komo sa akala nila’y walang lakas
itong ating bansa gagawin at sukat
Ang bawat naisin ng mga yan dito
sanhi lamang nitong akala siguro
ng Tsina’t Canada madaling maloko
ang lahat-lahat ng mga Pilipino?
Gabundok nga riyan ang ating basura,
na sa araw-araw ay di makolekta,
Ay itatapon pa rito ng Canada
ang ‘toxic waste’ nila, pang-aabuso na!
At pang-aargabya ng maituturing
kung paulit-ulit pa nilang gagawin;
Kung kaya sa puntong ya’y makabubuting
ang bansang Canada’y dapat pagmultahin.
Sapagkat ang pagka-tengga ng matagal
sa pier ng limampung mga ‘container vans,’
Ay millions of pesos din ang halaga niyan
na kinakailangang sa atin bayaran.
Maliban sa pagka-tapon n’yan sa Tarlac
na may kaukulan ding singil o bayad,
ang pagkatapon ng basurang di hamak
na hazardous compared with our waste products.
At upang sila ay hindi pamarisan
ng ibang wala na ring mapagtapunan,
Lahat ng possible means para atasan
silang magbayad ng danyos, ipairal!!!
