BAGAC, Bataan: Maagang sumiklab ang sunog nitong umaga ng Huwebes, June 29, 2023, na nagdulot ng malaking pinsala sa isang bahay sa Barangay Tabing-Ilog dito.
Sa ulat ng Bureau of Fire Protection, nagsimula ang apoy sa isang bahay sa Lerma Street bandang alas-6:30 ng umaga at nadeklarang fireout alas-7:45 ng nasabi ring umaga.
Kasalukuyan pang inaalam ang dahilan ng sunog at kung magkano ang iniwan nitong pinsala.
Wala namang nasaktan.
Sinabi ni Michelle Mendoza Pillagara, secretary ni Bagac Mayor Ramil del Rosario, nagtulong-tulong sa pag-apula ng apoy ang mga kasapi ng BFP, municipal at barangay disaster risk reduction management offices, Bagac police station, Metro Bataan Development Authority at mga volunteers.
