kay Gloria Arroyo para magpagamot
ay isa sa isyung kay Senador Marcos
itatanong sana ng inyong abang lingkod
Nitong ilang araw na nakalilipas,
na bumisita si Bongbong Marcos sa Clark,
Kaya lang ay isa ring mamamahayag
na kasama natin ang nagtanong agad
Kay Marcos sa ‘prescon’ na isinagawa
sa tanggapan mismo ng ‘Bale Balita,’
Kung anong posibleng masasabi ika nga
ng butihing anak ni ‘Apo’ kay ‘Kaka’
O sa ating mahal na dating Pangulo,
na ipinakulong ng rehimeng Aquino;
At ayaw niyang bigyan ng ‘full access’ ito
para magpatingin kung saan n’yan gusto.
Gayong suspek pa lang ang ating Kabayan
at di pa nga lubos na napatunayan
sa harap ng Korte ang ibinibintang
na kasong ‘graft’ hanggang sa kasalukuyan.
Humigit-kumulang sa naging pahayag
ng ating senador ay may maliwanag
na kahantungan ang malabo pang bukas
ni Madam sakalit Bongbong ang pinalad
Na maging Bise ng sinuman palaring
mahalal para sa eleksyong darating,
sapagkat lahat na riyan ng maaaring
ibigay kay ‘Atsi’ ay kanyang gagawin.
Gaya nang pagtrato na ginawa noon
ni Apo kay Ninoy, na kahit subersyon
ang naging kaso niya nang panahong iyon
at tunay naman ding siya’y nakakulong
Pero kahit pa man siya’y nahatulan
na ng ‘death by firing squad’ ng militar
ay pinayagan pa rin ni Apo Lakay
upang sa States ay magpa-opera yan.
Nabuksan ang bagay na yan nang magpunta
si ‘V.P. candidate’ Marcos sa Pampanga;
Kung saan sinabi sa harap ng Media
na ‘un-Filipino’ ang ‘treatment’ kay Gloria
Nitong katulad ng sa Palasyo ngayon,
na asa’y siya na ang pinaka-marunong
sa lahat kung kaya ang administrasyon
ng isang gaya niya ay usad paurong?
At imbes ‘Tuwid na Daan’ ang tinahak
ay baku-bako ang hantungan at sukat,
Tulad ng malinaw na kita ng lahat
(ayon kay Obligar ng ‘Channel 25’).
Na isa sa ating kinikilala riyan
bilang respetado’t pinaka-matapang
na komentarista sa kasalukuyan,
laban sa buwayang kati at tikbalang.
Na di na nagsawa sa pangungurakot
sa kaban ng bayan kung kaya nga’t halos
ang laman ng baul muntik nang masimot
sa mga ‘hi-tech’ na klaseng mandurukot.
Panahon na upang ang administrasyon,
na kagaya nitong kay Pangulong PNoy
ay mapalitan na riyan ng mga bagong
salta, at di Trapo ‘comes May 9 election’!
