Kay Mayor Duterte sa pagbawi nito
Ng CoC niya sa muling pagtakbo
Bilang city mayor ng Davao, at heto
Biglang kumambyo sa pagka-Presidente
At ang CoC niyan sa pagka-Alkalde
Ay binawi nga n’yan sa Comelec pati,
Nang mag-file muli siya ng bagong CoC.
Malamang gaya rin ni Poe di malayong
Ang pagkandidato ng butihing Mayor
Ng Durian Capital ng Bansa ay pihong
Higit pa sa kasong disqualification
At ibang bagay na posibleng magawa
Nitong kay Digong ay takot sumagupa
Sa pam-Panguluhan, na inaakala
Nilang epektibo at ikasisira
Ng kandidatura ng taong naturan,
Di malayong pati ang mannerism n’yan
Na bukambibig na pagmumura minsan,
Tiyak, gagamitin ng mga kalaban.
Lalo’t ngayong base sa ‘survey’ po yata
Ng SWS ay si Duterte nga
Itong nangunguna – saan sa akala
Natin patungo ang nangulelat bigla?
Partikular na r’yan ang manok ni PNoy
Na pang-apat lamang sa ‘survey’ na iyon?
Yan ay tanda lang na ang Administrasyon
‘Loser’ tiyak sa darating na eleksyon!
Pagkat dahil na rin sa biglang pagtingkad
Ng anak ni ‘Da King’ sa kabubulatlat
Ng kung anu-ano para lang umatras
O mabale-wala ay lalong lumakas.
Kasi nga, kapagka’ naging ‘talk of the town’
Ang kahit sinuman, yan imbes mai-down
Ng iba sa nais marating ay lalong
Di mapigil ang pag-igkas n’yan pasulong.
At ganun din naman si Mayor Duterte
Sa pagkambyo nito sa pagka-Presidente,
Yan ay tiyakan ding uulanin pati
Ng kontrobersya na lalong matitindi.
Dala nitong sila’y parehong ‘threat’ kina
Mar Roxas at Binay sa pagtakbo nila,
Liban sa iba pang posibleng manguna,
Na maaari din namang bumandera.
Hindi sa si Grace ay ipinaglalaban
Ni ‘yours truly’ para maging Pangulo yan,
Pagkat tayo bilang mga Kapampangan
Kay Poe, baka wala tayong maasahan
Na si Ate Glo ay mapalaya agad,
Nang dahil na rin sa pagkatalo ng Dad
Ng ‘anak’ ni Susan, at posibleng resbak
Sa ating Kabalen ang ibunga’t sukat.
Kaya kung ako ang siyang papipiliin
Sa dapat ihalal ‘comes year 2016,’
Ay ‘yong ngayon palang nakikita nating
Posibleng maglingkod ng tapat sa atin.
At di itong gaya r’yan ng inamag na
Sa gobyerno pero aywan kung ano na
Ang nagawa habang nasa puesto sila,
Liban sa mag-waldas ng pera ng Masa?!
