Malamang hindi na ituloy ni Sen. Bong Revilla ang kanyang pagtakbo sa mas mataas na posisyon dahil sa kanyang pagkakakulong habang nakaabang naman ang buong bansa sa magiging desisyon ng kaisa-isang anak ng yumaong movie king na si FPJ at movie queen na si Susan Roces na si Sen. Grace Poe-Llamanzares.
Marami rin sa ating mga showbiz personalities ang magpapatuloy sa kanilang political career habang ang iba ay ngayon pa lamang papalaot sa mundo ng pulitika.
Tahimik pa rin hanggang ngayon ang dating halal na gobernador ng Laguna na si E.R. Ejercito kung ito’y muling sasabak sa pulitika matapos siyang mapababa sa kanyang posisyon bilang gobernador.
Although nililigawan si QC mayor Herbert Bautista na tumakbo sa pagka-senador, mukhang desidido siya na ipagpatuloy at tapusin ang kanyang termino bilang alkalde ng QC.
Muling kakandidato sa pagka-kongresista ang aktor na si Alfred Vargas bilang kinatawan ng isang distrito ng Quezon City.
