BUKAS nakatakdang umalis si Sam Milby patungong Paris, France, para dumalo sa 66th Cannes Film Festival na magtatapos sa May 26.
Kasali ang pelikula nina Sam, Jason Abalos at Zanjoe Marudo na Death March na makikipagkumpitensiya sa kategoryang Un Certain Regard.
Sobrang excited na nga raw si Sam dahil first time niyang dumalo sa isang international filmfest na in competition ang movie niya.
As we all know, isa sa mga pangarap ni Sam ay magkaroon ng international career.
Sam has to be back on May 22 para sa taping ng Huwag Ka Lang Mawawala (dating Against All Odds) na serye nila nina Judy Ann Santos at KC Concepcion, gayundin sa shooting ng pelikulang Four Sisters na pinagsasamahan naman nila nina Bea Alonzo, Shaina Magdayao, Angel Locsin, Toni Gonzaga at Enchong Dee under Direk Cathy Garcia-Molina.
Excited na rin si Sam sa pagsisimula ng kanyang teleserye lalo pa nga’t ang ganda ng feedback sa trailer nito na naka-upload sa Internet.
