MALAKING CHALLENGE naman para kay Sam Milby ang kanyang gagampanang papel sa Dyesebel bilang Liro at isa sa leading men ni Anne Curtis. Isang syokoy kasi ang role niya rito at syempre, hindi pwedeng mag-English dahil nga isa itong Pinoy creature na ang ibig sabihin ay lalaking sirena. Of course, walang siyokoy na Inglisero.
“’Yun ang magiging biggest challenge na kahit isang English na word, bawal talaga,” say ni Sam sa announcement presscon para sa Dysebel last Thursday. Kaya naman patuloy pa rin si Sam sa pag-aaral ng kanyang Tagalog.
Kaya pala nang bumisita kami sa office ng Cornerstone Talent Management Center na siyang humahawak sa career ng aktor, nadatnan naming siyang busy sa pagaaral ng Tagalog sa kanyang laptop.
Reunion project sa TV nina Sam and Anne ang Dyesebel. May ginagawa rin silang pelikula ngayon at excited naman pareho ang ex-lovers to be working together again.
