Nung metung ya karing imbut nang isulung
ning lalawigan ing miuman yang magambul
Ing Sabing e sukat malumpawi sibul
king danggut dang dila ding balang ka-rehiyon
Keti Kapampangan – king kapamilatan na
ning atlung sanga ning taguring “Tri-media,”
E kaya masampat bayu ipalual da
ing buri rang sabyan o isulat sana
Mangutang la pamu karing makaintindi
o talagang biasa king mana tang’ Sabi,
Ban e ra ka’tamu lalung pamagsisti
king e makatud a pamamigkas pati
Karing amanung madalas gagamitan
neng manyabi tamung Sabing Kapampangan,
Uli ning imbes king lumabung yang miuman
mekad anti ta’yang lulumud iti’nan.
Partikular karing keng radio at TV,
a nung nu’ lalu yang mamate kareti,
King keraklan na ning gagamitan deti
a e ustu bigkas at/o pangasabi.
Antimo pin ing salitang ‘agnan-agnan,’
yan e ‘sabe-sabe’ a sukat dang sabyan,
E uling ‘sabay’ ya king Katagalugan
‘Sabe’ ya kekata keti Kapampangan.
Atin mu naman ken, gagamit madalas
king salitang ‘di ba’ keng metung a sikat
a ‘TV station, a matuang e palak
karing insanu man a bayung talakad.
Halimbawa: “di ba pisabi tana yan?”
mali ya, e sukat sabyan ing makanyan;
Nune pin “e wari pisabi tana yan”
ban e masisira panga-Kapampangan!
Ing salitang ‘tuloy-tuloy’ Tagalug ya,
at ‘bala-balaus’ ing kabaldugan na
King sarili tamung Salita, nung inya
e makatud sabyan keti king Pampanga.
Antimurin naman ing pamangamit ‘nga,’
yan e ya mu naman Kapampangan, Kaka
Uling king kekatang sariling Salita,
ing katulid niti ‘pin’ ya mung mistula.
At e la mu ditak ding makapanalbe
kareting istasyun a kakung siglawe,
A nung nu’ tamu pin makarandam pane
salitang e sukat king Sabi ta’ yabe.
Kalupa namo ning ‘Lasa na ning Ginu’
a kepampanganan da’t ayalben tamu,
Keng sikat a ’channel’ a nung nu’ balamu
e Kapampangan ing mig-‘translate’ siguru.
O milikas karing salitang megamit
ibat king orihinal a sabing ‘English’
Uling nanan ta’la mang tingiran pilit,
ding Amanu e la ustu panga-gamit..
Yarin itang imbut ta’yang palabungan
antimo king sadya ing Amanung Sisuan,
Nanu’t e tamu pu subukan mangutang
karing ating balu keng bage makanyan?
Ing Aguman Talasulat Capampangan
atin yang asaup banting malarin yan,
Nya bilang Pamuntuk na niting Aguman,
aku na ing kusang mamaluk kasaupan
Karing mangaintulid magnasang mabiasa
king Amanung Sisuan o Salitang mana,
Ban mitud king ustu ing maling balu ra’
ding keraklan lalu na ring keng Tri-Media!
ning lalawigan ing miuman yang magambul
Ing Sabing e sukat malumpawi sibul
king danggut dang dila ding balang ka-rehiyon
Keti Kapampangan – king kapamilatan na
ning atlung sanga ning taguring “Tri-media,”
E kaya masampat bayu ipalual da
ing buri rang sabyan o isulat sana
Mangutang la pamu karing makaintindi
o talagang biasa king mana tang’ Sabi,
Ban e ra ka’tamu lalung pamagsisti
king e makatud a pamamigkas pati
Karing amanung madalas gagamitan
neng manyabi tamung Sabing Kapampangan,
Uli ning imbes king lumabung yang miuman
mekad anti ta’yang lulumud iti’nan.
Partikular karing keng radio at TV,
a nung nu’ lalu yang mamate kareti,
King keraklan na ning gagamitan deti
a e ustu bigkas at/o pangasabi.
Antimo pin ing salitang ‘agnan-agnan,’
yan e ‘sabe-sabe’ a sukat dang sabyan,
E uling ‘sabay’ ya king Katagalugan
‘Sabe’ ya kekata keti Kapampangan.
Atin mu naman ken, gagamit madalas
king salitang ‘di ba’ keng metung a sikat
a ‘TV station, a matuang e palak
karing insanu man a bayung talakad.
Halimbawa: “di ba pisabi tana yan?”
mali ya, e sukat sabyan ing makanyan;
Nune pin “e wari pisabi tana yan”
ban e masisira panga-Kapampangan!
Ing salitang ‘tuloy-tuloy’ Tagalug ya,
at ‘bala-balaus’ ing kabaldugan na
King sarili tamung Salita, nung inya
e makatud sabyan keti king Pampanga.
Antimurin naman ing pamangamit ‘nga,’
yan e ya mu naman Kapampangan, Kaka
Uling king kekatang sariling Salita,
ing katulid niti ‘pin’ ya mung mistula.
At e la mu ditak ding makapanalbe
kareting istasyun a kakung siglawe,
A nung nu’ tamu pin makarandam pane
salitang e sukat king Sabi ta’ yabe.
Kalupa namo ning ‘Lasa na ning Ginu’
a kepampanganan da’t ayalben tamu,
Keng sikat a ’channel’ a nung nu’ balamu
e Kapampangan ing mig-‘translate’ siguru.
O milikas karing salitang megamit
ibat king orihinal a sabing ‘English’
Uling nanan ta’la mang tingiran pilit,
ding Amanu e la ustu panga-gamit..
Yarin itang imbut ta’yang palabungan
antimo king sadya ing Amanung Sisuan,
Nanu’t e tamu pu subukan mangutang
karing ating balu keng bage makanyan?
Ing Aguman Talasulat Capampangan
atin yang asaup banting malarin yan,
Nya bilang Pamuntuk na niting Aguman,
aku na ing kusang mamaluk kasaupan
Karing mangaintulid magnasang mabiasa
king Amanung Sisuan o Salitang mana,
Ban mitud king ustu ing maling balu ra’
ding keraklan lalu na ring keng Tri-Media!
