ang tahasang ibinulgar sa Kamara
itong umano ay nakatanggap siya
ng Php 1.5M sa kalakalang droga
Sa loob pa mandin ng Bilibid Prison
na ipinabigay kay De Lima noon
ng isang drug lord na harapang tinukoy
ang pangalang Jaguar sa imbestigasyon.
Na itinanggi niya, pero sa totoo lang
ang sinabi nitong testigong naturan
ay sapat na upang siya ay sampahan
ng kasong ni hindi maaring piyansahan.
At itong iba pang tumayong testigo
laban kay De Lima ay puro kuntodo
‘pamatay’ ang naging pahayag n’yan mismo
hinggil sa koneksyon ni Madam sa shabu!
Sa kabilang dako, sana ay maingat
naman si Robredo sa mga pahayag,
na binibitiwan, gaya ng pagbanat
kay Duterte sa kanyang pamamalakad.
Tulad halimbawa nitong panawagan
ni Leni para sa opisyal ng bayan,
na mag-isip muna bago nila buksan
ang bunganga ay kay RD patama yan!
At kahit sa sariling paniniwala
ni Leni Robredo, si Duterte’y di nga
muna nag-iisip bago magsalita,
mas makabubuting manahimik kusa.
Pagkat si Duterte pa rin ang boss mismo
ng lahat nitong kawani sa gobyerno,
kasama na pati syempre si Robredo,
bilang isa sa mga ‘appointees’ nito
Na bagama’t si Robredo ay kabilang
sa kontra-partido – at kanyang tinuran
na ayaw n’yan ng ibang pangulo liban
(kay Roxas) pero nasaan na ngayon yan?
(Di ba nasa kampo na nga ni Duterte
bilang ‘chairperson’ nitong HUDCC
na kinakailangang sa’ting Presidente
makisama sa pamamahala pati?)
Kung sa tingin niya ay di masikmura
ang estilo ng Boss sa pagsasalita,
magbitiw na siya at huwag nang umunga,
nang di mapintasan nitong taong-madla.
Terible din naman ang pinakawalan
na pananalita ng Sekretaryo riyan
ng Tanggulang Bansa, na si Duterte raw
ay posibleng ito ay sinusubuan
Ng umano’y mga maling impormasyon
hinggil sa tunay kalagayan nitong
‘joint military exercises’ patungkol
sa’ting AFP at US Army ngayon.
Alam o hindi ni Delfi n Lorenzana
ang sinabi n’yan ay pagpapakilala
ng matinding pagka-kahati kumbaga
sa pamahalaang Duterte, di po ba?
At itong sa US ay sumusuporta,
na nagnanais na tuluyang mabura
ang ‘US-Philippine relation’ pati na;
tungo sa posibleng pagkiling sa iba.
Gaya ng sa Russia’t China na parehong
komunistang bansa, kaya di malayong
sa pagkakagalit ni Obama’t Digong,
Ang tanong: Saan na posibleng humantong?
