Katangia’t lahat ng isang mahusay
Na lider ng bayan, na maihahanay
Sa lahat na yata sa galing na taglay,
Isa si Oca sa pinakamahusay
At di man nomiro unong maituturing
Sa ika nga’y bitbit na husay at galing,
Pero si Oca ay masasabi nating
“He’s none other the most awarded” marahil
Kumpara sa kapwa niyang local official,
‘In terms of public service and good governance’
At iba’t-iba pang mga kapurian,
Na natanggap mula sa ‘abroad’ at ‘local’.
Kabilang na r’yan ang “World Class City Mayor,’
Ang “Dangal ng Bayan” ‘& others he’s well known;’
At ang huli’y ang Civil Service Commission
Presidential Lingkod Bayan from sir PNoy
Sa kanyang ‘excellence’ sa panunungkulan,
Bilang isang natatanging lingkod bayan;
Na ang “PAMAGSILBI” sa kanyang Kabayan
Ay matapat at sadyang maaasahan.
Kaya’t ano pa mang larangan marahil
Ang ninanais niya o handang pasukin,
Si Mayor Rodriguez ay tatangkilikin
Ng masang may mata, puso at damdamin.
Pero marapat lang naman din siguro
Na maging maingat ang ating idolo
Sa pagpili n’yan ng tatakbuhing puesto,
Para makatiyak siya ng panalo.
Sapagkat may mga instansya kung minsan,
Na di kahusayan sa panunungkulan
Ang tinitingnan ng ibang manghahalal,
Kundi sa maraming nagsabit na EPAL
Na kahit bawal ay makikita pa rin
Mula sa malayo at sa papawirin,
At “24 hours” makikita natin
Sa mga ‘covered court’ ang pagmamagaling
Na siya dili’t-iba itong nagpagawa
Kaya halos kasing-laki na rin yata
Ng straktura ang pinapintang kusa
Na pangalan n’yan sa itaas, ibaba
Ng mga nasabing ‘covered court’ sa lahat
Na yatang barangay – magmula Arayat
Hanggang sa Bacolor – kaya lubhang sikat
Sa 3rd District ang posibleng makaharap
Ni Oca, sakali’t ang target ay Congress;
Na sa ganang amin ay siyang ‘the most fitted,’
Na posisyon para sa ‘world class and the best
City mayor, San Fernando town ever had’.
Pero kahit pa man sikat itong isa
(Partikular sa pagtalikod kay Gloria
Nang maipit si Mam sa naging kaso niya)
Ay malaki pa rin naman ang tendensya
Na mailampaso ni Oca Rodriguez
Si Representative Aurelio Gonzales,
Pagkat ang hanap ng tao sa 3rd District
Ay maaasahan at sadyang kapanalig!
Sa sandaling itong aking sinusulat
Ang ‘article’ na ito di pa nagpahayag
Si Oca, kung anong tatakbuhing tiyak
Kaya wala tayong puedeng maidagdag.
At paglabas nito posibleng Biernes na
At ang ‘filing of candidacy’ tapos na,
Kung siya’y tatakbo para sa probinsya
O sa Kongreso kung tatakbo talaga.
Kaya sa puntong yan wala tayong tanging
Masasabi kundi ating idalangin
Ang nawa ay itong halalang darating
Ay maging payapa at malinis pa rin!
