ITONG ‘Commission on Appointment,’ na siyang
sa sinumang ‘appointees’ ng Malakanyang
para maging ‘cabinet members,’ ang pinal
na mag-aapruba – madugo kung minsan.
At walang iniwan sa animo’y butas
ng karayom itong daanan madalas
ng mga ‘appointees’ na karapatdapat,
bago maitalaga ng ‘executive branch’
Ang ninanais na makatulong pati
sa pamamahala bilang Secretary,
pagkat di hawak ng ating Presidente
‘the authority to assign anybody’.
Sanhi na rin nitong ang ‘appointing power
and authority of a sitting president
is limited when it comes on certain matter
that the said commission officially handles’.
Kaya naisin man ng ating Pangulo
na sina Yasay at Lopez ang ipuesto
sa DFA at sa DENR mismo,
di nito magawang i-retain pareho.
Dala nga r’yan nitong kapag inayawan
ng komisyong kinabibilangan minsan
ng mga Solons na malaki ang bilang
na di kapartido r’yan ng Malakanyang
Pulitika tiyak ang mangingibabaw
at mga ‘personal interest’ na rin n’yan
ang mamamayani sa puntong naturan,
lalo’t sa bagay na pagkakakuwartahan!
Ano pa ba naman itong hahanapin
ng CA kay Yasay at kay Ms. Lopez din,
na pareho namang may taglay na galing
at maaasahan sa takdang tungkulin?
Si Ms. Gina Lopez sa ganang sarili
na pag-analisa ni abang ‘yours truly,’
siya palang itong sa husay magsilbi
‘as DENR Sec,’ ang kapuri-puri.
At ‘workaholic’ din namang matatawag
itong si Ms Lopez sa kanyang pagtupad
ng ‘mandated duties’ niya na marapat
tutukan sa lahat ng saglit at oras.
Na talaga naman ding ang kalikasan
at kapaligiran ang binabantayan
para manatiling ligtas sa anumang
salot na dulot ng kalapastanganan
At kawalang ‘paki’ sa naturalesa
ng mga miners at illegal loggers na
panakaw madalas ang pagsira nila
sa ating ‘natural resources’ sa tuwina.
Di kaya ng dahil sa kasosyo itong
ilang magagaling nating mga Solon
sa ‘mining industry’ kaya’t ang pag-ayaw
n’yan laban kay Lopez ay lubhang maugong?
Posible rin namang sa ‘tong’ sila busog
kung kaya marahil ikinatatakot
nila ang pag-upo ng isang di takot
gawin ang kailangan at dapat masunod.
Na di nagawa ng kinauukulan
sa loob ng mahabang taong nagdaan;
O dahil na rin sa ‘since time immemorial’
“Sa bayan ni Juan, sa matino ayaw!?”
