PAREHONG ayaw nang pag-usapan nina Rocco Nacino at Sheena Halili ang kanilang dating relasyon.
Pareho na raw silang naka-move on pagkatapos ng kanilang paghihiwalay. May kanya-kanyang career na silang dalawang tinatahak. Si Sheena ay nasa “Indio,” samantalang si Rocco ay isa sa leading men ni Kylie Padilla sa “Unforgettable.”
Never pang na-link uli si Sheena sa ibang lalaki. Samantalang si Rocco, nang panahong ginagawa pa nila ni Lovi Poe ang “Yesterday’s Bride” ay inamin nila ang kanilang closeness. In fact, kita naman ang sweetness nina Rocco at Lovi kapag nakikita sila sa mga showbiz affair.
Nang huli naming nakausap si Rocco, nasabi niyang naghiwalay naman sila ni Sheena as friends. May communication pa rin sila pero, hindi na siya dumadalaw sa bahay ng dalaga.
Sa ngayon ay busy si Rocco. Bukod sa isang indie film, may teleserye siyang ginagawa sa GMA7, ang “Unforgettable” kung saan siya gumaganap bilang bagong tagapagtanggol ng bidang si Kylie Padilla.
