ng mga ‘winners’ sa nagdaang halalan
ay nakapanumpa na sa katungkulan
bilang responsableng mga ‘public servants’
Na maaasahan at handang maglingkod
anila ng tapat sa bayan ng lubos,
pero karamihan ay di pa man halos
nangalahati o kaya naka-’one fourth’
Ng ‘terms of office’ ng SB halimbawa,
sila’y madalang nang sa opis makapa;
Pati ang ‘session’ na dapat isagawa,
(once a week) man lang ay kalimitan wala.
Paano nga kasi, sanhi ng madalas
na ‘absent’ ang ilan, at wala sa oras
kung dumating itong iba yan ay tiyak
sa ‘no quorum’ kaya ‘postponement’ ang bagsak!
Pero sinasahod ang dapat tanggapin
ng mga yan kahit di nila siputin
ang nasabing bagay na sukat harapin
bilang bahagi ng kanilang tungkulin.
Marami ang ganyan sa panahong ito
na masisipag lang kung araw ng sueldo,
subalit sa dapat gampanan nang husto
ay di maasahan ang mga damuho.
Sana naman, ngayong tayo’y nagkaroon
ng bagong lider na katulad ni Digong,
ang anumang bagay na di ikasulong
nitong ating bansa dapat nang maputol
Partikular na r’yan itong talamak na
nakawan sa ating gobyerno, at saka
itong sa ngayon ay nagkalat na droga
sa lahat ng dako ng Metro-Manila.
At maging sa liblib nating kanayonan
ay kalat na rin ang bagay na naturan;
Kaya’t Palayo pa ba ng Malakanyang
ang di marating kung hindi maagapan?
Yan ay kung ating Pangulong Duterte
ang di pinalad na maging Presidente;
At ngayong siya na ang nakaupo bale,
ano pa bang hindi natin ikampante?
Lalo kung ganitong bago pa man nga siya
umupo sa puesto ay nagsi-suko na
ang ibang ‘pushers’ at saka durugista,
na kusang sumuko sa ating pulisya.
Dala ng pangambang sila ay posibleng
mapatay, tulad ng napanood natin
sa T.V. at mga nabalitaan din
mula sa iba pang ‘source’ na dumarating.
Yan sa ganang ating sariling pananaw,
di malayong bago matapos ang araw
o ‘three to six months’ na binigay ni Digong
para sumuko yan, mapapadali ‘yon.
Palibhasa ay di lingid sa kanila,
na si Duterte ay seryosa talaga
sa sinasabi at siya’y di kagaya
ng sinumang naging pangulo bago siya.
Pagkat kung ano ang kanyang sinasabi
ay galing sa puso at isip niya pati;
Di gaya ng iba (lalo itong huli)
hanggang sa bumaba wala kong masabi.
Maliban sa siya ay napakagaling,
partikular na r’yan sa ‘public speaking,’
Pero sa pag-ganap ng kanyang tungkulin,
aywan lang kung anong nagawang magaling?!
