ang ‘tinakdang araw ng pangangampanya
para sa ‘highest post, vice president,’ saka
mga senador at ‘party lists’ anila?
Kung saan ang iba’y halos nalibot na
ang lahat ng bayan, lungsod at probinsya;
At malaki-laki na rin ang nagasta
sa araw-araw na kaiikot nila.
Partikular na r’yan sa pampanguluhan,
na di lang marahil ‘in hundreds of thousands’
na ang sinunog sa pangangampanya n’yan
sa lahat ng dako nitong kapuluan.
Isa riyan si Grace Poe, na bagama’t di pa
napagpasiyaan ng Comelec at saka
ng ‘highest tribunal’ kung ‘qualified’ siya
para humabol ay nagkakagasta na.
Gaya halimbawa nitong di lang minsan
ay nakarating na si Grace Poe, kabayan
dito sa Pampanga kasama ang kanyang
ka-‘tandem’ na si Chiz, gumastos syempre yan.
Ng di lang ‘hundreds of pesos’ sa pagkain,
kundi ng kung ilang libo rin marahil;
Maliban sa iba pang naging gastusin
sa ginanap na ‘prescon’ dito sa atin.
Gayong sa totoo lang ay di pa tiyak
kung ang pagtakbo sa pinaka-mataas
na posisyon ay di humantong at sukat
sa mapait na kabiguan sa wakas?
Papano kung kailan halos hanggang leeg
na ang nagasta ng napurnadang si Grace
sa inaasahan sa presidential race,’
saka biglang ihahayag ng Comelec,
Na ‘disqualified’ nga ang ‘Anak ni Da King,
base sa kung anong isyung nakabimbin;
Sa ganang akin ay ang Comelec natin,
sa puntong naturan, ang dapat sisihin!
Papano nga kasi ubod nga ng kupad
ang nariyan sa pagresolba kaagad
sa kahit na simpleng isyung di marapat
tumagal sa opis ng mahabang oras.
Kung di ‘natural born’ Filipino si Poe,
ayon sa kung sino riyang mga kritiko,
Eh bakit nang siya ay kumandidato
sa pagka-Senador di hinarang ito?
(At saka di ba’t siya’y inalok din naman
ng ‘ruling party’ at iba pang kampo riyan
para maging Bise ni Roxas o Binay
sa pagtakbo para sa ‘presidential?’)
Pero nitong huli animo’y kumambyo
ng pakaliwa ang nag-alok kay Grace Poe,
na maging ‘running mate’ siya ng mga ito,
at inilalaglag na siya ng husto?
Lalo na riyan nitong aywan lang din natin
kung sila’y bayaran o ika nga’y “for hire,”
Kaya anhin na lang tuluyang mapigil
si Grace sa paghabol ng ibang tungkulin.
At ngayong si Grace ay ninanais nitong
marating ang dating pinangarap noon
ng kanyang ama ay haharangin ngayon
ng kampo marahil ng administrasyon?
Buhay-pulitiko nga naman kung minsan,
sa lahat na’y sadyang walang katiyakan;
Tulad na lang nitong kay Poe, saan na yan
posibleng humantong sa sistemang ganyan?!
