mabilang sa bansa ng Saudi Arabia
ang kaawa-awang mga Filipina,
na minamaltrato ng employers nila;
Sinasaktan at ang higit na masaklap
ay ginagahasa ng boss nilang ungas
ang iba kung kaya gumagawa agad
ng paraan para sila makatakas;
At maidulog sa kinauukulan
itong sa kanila ay paglapastangan,
pero sila pa riyan itong kadalasan
binabaligtad ng employer na unghang.
At ang atin namang opisyal na dapat
umaksyon upang mapa-uwi kaagad
ang mga biktimang sa Saudi minalas
mapunta sa walang konsensya at ungas
Ay hindi rin naman natin maasahan
ang gobyerno upang yan ay solusyonan;
Gaya ng sinapit ng isang kabayan
nating si Panlaqui na taga Sasmuan.
Na bitima rin ng maltreatment sa Saudi
ng asal-hayop at napakasalbahe
nitong naging boss at ang nag-recruit pati,
Arabo din kaya hindi imposible
Na niloko n’yan ang biktima sa puntong
ang work contract niya ay para sa “Salon
for Women” subalit DH pala roon
ang kinasadlakan at hindi pang-parlor!
Sa puntong yan itong ahensyang naturan
na nagpaalis kay Panlaqui ang siyang
marapat habulin ng pamahalaan
Upang mapanagot sa pangyayaring yan
At masampahan ng kaso pati na rin
ang employer upang papanagutin din
sa pang-aabuso sa Kabalen natin,
maliban sa sila ay papagbayarin
Ng danyos perwisyo at iba pang dapat
na isingil base sa Saligang Batas
ng Saudi Arabia at ng Filipinas;
At ikulong pati sila ng patuwad!
Okey lang sana kung hindi inabuso
si Josielyn Panlaqui ng naging amo;
At ibinigay ang karampatang suweldo
na dapat matanggap sa naging trabaho.
At sana ngayong ang pangyayaring iyan
ay nakarating na rin sa Malakanyang,
Magsikilos na ang kinauukulang
ahensyang marapat umasikaso riyan.
Lalo’t tulad nitong ang kaawa-awa
nating kabayan ay wala nang magawa
sa kalagayan niya kundi ang lumuha,
yan ay patuloy pang winawalanghiya!
Kaya bago pa ang biktima’y madedbol
sa kuko ng Saudi national na gunggong,
gawin na sa lalong madaling panahon
ng OWWA ang lahat ng mabisang aksyon
Upang ang lahat na rin ng ibang bagay
na nauukol kay Panlaqui, ibigay
ng employer bago sa Saudi lumisan
itong biktima ng kanyang kahayupan!
(At sana rin naman si Pangulong PNoy,
kahit kaunting concern lang ay magkaroon
sa mga ganitong klase ng situasyon
upang ang kabayan natin di mababoy!!!
