Sa Lunes, Oktubre 10 ng taong ito,
Pangungunahan ni Mayor Oca mismo
Sa popular na lungsod ng San Fernando
Ang ‘Pyestang Tugak’ na ilulunsad dito.
Na kung saan ‘after the flag ceremony,’
May ‘press conference’ na gaganapin pati
Sa dating ‘session hall,’ malapit sa tabi
Ng opis mismo ng butihing Alkalde;
At ihahayag sa prescon na nasabi
Sa Media ang lahat na ng ‘activity’
Na isasagawa ‘within the said city,’
Mula adyes hanggang kinse ng Oktubre.
Matatandaan na itong Pyestang Tugak
Ay pinasimulan sa naturang siyudad
Noong 2004 nitong ating ‘World Class’
Na Alkaldeng sa kultura ay malingap
At may malasakit sa ‘ting kalikasan,
Kaya ang lahat ng mahalagang bagay
Na kaya pa nating mapangalagaan
At mapanatiling sagana at buhay
Ay sinisikap niyang lubos na masagip
At di na lang maging isang panaginip,
Gaya halimbawa ng palakang bukid
Na dati’y sagana sa ating paligid.
Kaya kaugnay n’yan, para mapreserba
Ang palaka partikular sa Pampanga,
Sa taong ito ay sadyang inalis na
Sa paligsahan ang ‘culinary’ baga?
Na kung saan magpapakita ng galing
Sa pagluluto ng ‘Tugak’ itong ating
Eksperto kumbaga sa mga lutuin,
Gaya ng adobong tugak dito sa ‘tin.
Pagkat ninanais nga ni Mayor Oca,
Na mapanatiling ‘buhay’ ang palaka
Sa kapaligiran hanggang managana
Silang muli sa ‘ting bukirin at sapa.
Kaya’t may ‘contest’ man ng ‘pagduasan’ ngayon,
Yan ay bahagi lang nitong selebrasyon,
At ang ‘mapapaduas’ niyan sa kompitisyon
Ay ibabalik din sa opis ni Mayor
O sa kung sinumang taong maatasan
Ng siyudad upang ang ‘contest’ na naturan
Ay pangasiwaan nito kung saan man
Gaganapin itong ‘contest’ sa “paduasan”.
Na inaasahang magiging masaya
At puno ng buhay sa lahat-lahat na,
Bilang pagsariwa at pag-ala-ala
Sa ‘ting nakagisnang mayamang kultura.
At bilang bahagi rin ng selebrasyon,
Kabilang ang ‘Lundag Tugak’ sa poblasyon;
Liban pa dito sa ‘chorale competition’
Na magaganap sa Waltermart sa ngayon.
“Street Dance” naman ang nakatakdang gawin
Sa paligid nitong higanteng Mall sa ‘tin;
Na naka-“Mascot” ang kasali pa manding
Sa kung saan-saang iskwela nanggaling.
Sa pangkalahatan itong ‘Pyestang Tugak’
Ay tiyakang magiging masiglang ganap,
Ng dahil na rin sa totoong pag-ganap
Ni Oca sa opisyal niyang kapasidad!
