OLONGAPO CITY -Sinimulan sa SM City Olongapo ang elimination sa Search for the Singing Policeman.
May 18 mga pulis mula sa Zambales Police Provincial Office, Bataan Police Provincial Office at Olongapo City Police Office ang sumali.
Sa isinagawang elimination nakuha ng Zambales Police Provincial Office ang dalawang top awards.
Ito ay sina PO1 Loris Maranoc, 31, nakatalaga sa Provincial Public Safety Company, Malimanga Zambales na siyang tinanghal bilang champion nang awitin nito ang “Lipad ng Pangarap” .
Pumangalawa naman si Police Inspector Jan Reanel Romero, ng PCR Office ng Provincial Public Safety Company.
Pumangatlo naman si PO1 Rhei Parentela ng Olongapo City Police Office.
Ang mga nagwagi sa patimpalak ay tumanggap ng cash prize at gift certificates.
Ang tatlong nagwagi sa elimination ay isasali sa Grand Finals na gaganapin sa The Event Center, SM Pampanga sa October 14, 2012.
