(Karugtong ng isyung lumabas noong Mierkoles, Aug. 8, na di naipadala ng inyong abang lingkod sa e-mail sanhi ng ng ‘brown-out’ at malaking baha sa kanilang lugar, na nagdulot pati ng kapinsalaan sa kanyang computer).
Ya’y napag-usapan ng dalawang lider
sa Heroes Hall ng lungsod nang i-‘turn-over’
ni ‘Nanay’ kay Oca ang bagong ‘deliver’
na ‘garbage truck from the provincial government’,
Bilang pang-antabay na rin ni Governor
kay mayor Oca sa pagpursigi nitong
mabigyan din n’yan ng agarang solusyon
ang problema, gaya ng kanyang intensyon
Na mapanatiling ang kapaligiran
ay malinis at kahaya-hayang tingnan;
ligtas sa sakit ang mga mamamayan
sa isang lipunan na ginagalawan.
Na pinaka-pangunahing ‘priority’
sa ‘program on health’ ng ating ‘Nanay Baby,’
dangan nga lang ‘her plans had been negatively
affected by poor sanitation so dearly.
At kung saan sanhi na rin kadalasan
nitong nagtatapon tayo kahit saan,
natural lamang na kapag tumagal yan
at di nakolekta babaho ang lugar.
(Idagdag pa itong walang patumangga
nating pagtatapon sa ilog at sapa,
yan kapag nagbara ay tiyakang baha
ang dulot sakalit umulan nang bigla).
Di lingid sa lahat na ang ‘annual budget’
ng probinsya, ibang bayan, mga ‘cities
can’t afford disposing of non-segregated
garbage of their own in sanitary landfills.
Kaya marapat lang sa puntong nasabi
itong mungkahi ng ating ‘Nanay Baby’
na ang bawat ‘household’ sa bayan at city
ay mag-segregate na hangga’t maari.
Kung yan ay nagawa sa isa ng ‘1st Class’
na bayan, gaya ng munisipalidad
ng Apalit ano’t di magawa’t sukat
sa iba pang lugar at/o komunidad?
Kung saan di pa man pinairal itong
mungkahi ng ating butihing Governor,
ipinag-utos na ng kanilang Mayor
sa nasabing bayan itong ‘segregation’
Ng ‘solid waste’ bago pa man ipatupad
ng pamahalaan itong Republic Act
No. 9003 – kaya kita agad
sa Apalit ang pagka-iba sa lahat.
Mayor Jun Tetangco disclosed that in effect
of what he said proper segregation of waste,
had allowed barangays to earn from their garbage
that could settle their bills for all their street lights.
Pero sa kabila n’yan ani Tetangco
ay gumagastos pa rin ang munisipyo
ng kinse milyones sa basura nito
kahit nakatipid na sila ng husto.
Sa pamamagitan nga ng ‘segregation’
ng ‘solid waste’ nila, na kung saan itong
puedeng magamit pa at/o ‘recyclable’
Ay ibinubukod sa dapat itapon.
Kung nakayang gawin ng taga Apalit
Ang pagse-segregate para makatipid,
At ang lugar pati ay maging malinis,
Ano’t di magawa natin kahit pilit?
Idagdag pa natin ang ‘privatization’
Ng ‘solid waste management’ na gustong-gustong
Ipakontrata na lang ng Gobernador,
Ligtas tayong lahat sa grabeng polusyon!
