Bale gift nila sa isa’t isa ang movie na halos ang kalahati ay kinunan sa New York City Central Park na saksi sa kanilang pag-iisang dibdib. Pag-iisang dibdib daw, o, hahaha!
Eh, panalo naman ang mga tagpo sa Central Park na malaking bahagi ng romansahan ng mga bidang sina Jennylyn Mercado at Sam Milby.
Kuwelang-kuwela ang mga eksena nila sa mga manonood at bentang-benta ang lambingan nila roon.
Sa kabuuan, panalo ang movie sa mga hatid na kasiyahan at kilig dahil lutang na lutang ang chemistry nina Jen at Sam. Kikay na kikay at baklang-bakla ang dating ni Jennylyn na gusto ng publiko.
May mga sundot din si Sam na tinawanan ng mga tao.
But more than the kilig at cuteness nina Jen at Sam, naihatid ni Direk Jun ang gusto nilang iparating sa epekto ng pre-nuptial agreement.
Pero sa paraang nakakatawa dahil ang galing-galing ni Jaclyn Jose bilang matapobreng madir ni Sam.
Eh, siyempre, scene stealer si Melai Cantiveros, isa sa sisters ni Jen. ’Yung mga sundot niya, eh, hinahalakhakan ng mga manonood.
Gayunpaman, ang galing ni Jen ang talagang pinalakpakan ng tao. Hindi lang sa pagpapatawa ang talent niya kundi maging sa dramatic moments ng pelikula.
Sa totoo lang, kumpletos rekados ang The PreNup. Non-stop fun, laughter and kilig moments na magugustuhan ng manonood kaya kampante ang mag-inang Lily at Roselle Monteverde na papasukin ng tao ang movie na showing na ngayon sa mga sinehan.
