Naloka ang isang TV reporter kay Paulo Avelino at sa handler nito nang interbyuhin niya ang aktor sa isang event sa Batangas dahil pinabura sa kanya ang kanyang interview mismo dahil lang sa isang tanong na kung tutuusin ay hindi naman masama.
Ang tanong ng TV reporter ay ganito: “Sa rami ng endorsements and projects na ginagawa mo, paano mo nahahati ang oras mo sa trabaho at pagiging ama?”
Unang sagot daw ni Paulo, “ano, pakiulit?”
Inulit na naman daw ng reporter ang tanong. Sagot ulit ni Paulo, “ano nga ulit? Pakiulit?”
Inulit na naman ng reporter. Sa madaling sabi, tatlong beses pinaulit ni Paulo ang tanong.
Sa pangatlo, tinawag na ni Paulo ang handler niya at nagsumbong ng “si ano, may tinatanong, eh.”
Ang ginawa ng handler, nag-demand na i-preview mula umpisa ang tape at pinatanggal ang halos buong interview. Ang tinira lang daw ay ’yung part na nagpu-promote si Paulo.
And all throughout, hindi raw maganda ang tono ng handler sa kanya habang inuutus-utusan siya na ulitin ang tape.
Pagkatanggal ng interview ay dire-diretso na raw umalis si Paulo at ang handler at naiwan ang TV reporter na masamang-masama ang loob dahil wala naman siyang ginawang masama para tratuhin nang ganu’n dahil maayos naman daw ang pagkakatanong niya.
Kung tutuusin ay pwede namang sagutin ni Paulo ang tanong ng “no comment” kung talagang hindi niya type ang question. Kailangan bang magpasaklolo pa sa handler?
At kailangan bang burahin talaga ang interview gayung hindi naman nasagot ang tanong?
Nakakaloka!
